🎖 Хуҷанд нақшаи даъвати тирамоҳиро дар рӯзҳои аввал 100% иҷро кард

Дар шаҳри Хуҷанд нақшаи даъвати тирамоҳии ҷавонон ба хизмати ҳарбӣ дар Қувваҳои Мусаллаҳи Тоҷикистон дар рӯзҳои аввали маърака пурра иҷро шуд. Дар ин бора хадамоти матбуоти шаҳри Хуҷанд хабар медиҳад.

Даъвати шаҳрвандон бар асоси Фармони Президенти Тоҷикистон аз 28 августи соли 2026, №1221, сурат гирифта, он шаҳрвандони солҳои таваллуди 1999–2008-ро дар бар мегирад. Ҳамзамон, тибқи фармон, низ аз хизмати ҳарбӣ рухсат кардани сарбозоне, ки муҳлати муқарраршудаи хизматро адо кардаанд, пешбинӣ шудааст.

Дар доираи маъракаи тирамоҳӣ 20 даъватшаванда бо мусоидати Вазорати мудофиаи Тоҷикистон ва 30 нафари дигар аз ҳисоби маблағҳои мақомоти иҷроияи ҳокимияти давлатии шаҳри Хуҷанд дар омӯзишгоҳи ронандагии ТММ шаҳри Хуҷанд таҳсил карданд.

Ба ҳамаи онҳо шаҳодатномаи ронандагӣ ройгон дода шуда, баъдан барои адои хизмати ҳарбӣ сафарбар гардиданд.

Ҳамчунин, беш аз 20 хизматчии давлатӣ писарони худро шахсан ба комиссариати ҳарбӣ оварда, дар раванди чорабиниҳои даъватӣ иштирок карданд.

📲 Your.tj дар ➡️ Telegram / Facebook / Instagram / TikTok / Threads