💧 Дар се деҳаи Кӯлоб марказҳои нави обтаъминкунӣ ба истифода дода шуданд

Дар деҳаҳои Корез, Валидҷон Шамсов ва Тудакафши шаҳри Кӯлоб 5 октябр марказҳои нави обтаъминкунӣ ва корез ба истифода дода шуданд. Дар ин бора хадамоти матбуоти Президенти Тоҷикистон хабар медиҳад.

Дар деҳаи Корез маркази обтаъминкунӣ бо зарфи захираи об, истгоҳи насосӣ ва дигар иншооти зарурӣ ба фаъолият оғоз кард. Иншоот барои беҳтар намудани таъминоти сокинон бо оби нӯшокӣ пешбинӣ шудааст.

Дар деҳаҳои Валидҷон Шамсов ва Тудакафш низ марказҳои обтаъминкунӣ ва корез ба истифода дода шуданд. Иншооти нав дастрасии аҳолиро ба оби нӯшокӣ ва хизматрасониҳои коммуналӣ беҳтар мекунанд.

Дар маҷмуъ, таъсиси марказҳои мазкур 30 ҷойи нави корӣ фароҳам овардааст. Онҳо бо таҷҳизоти зарурӣ ва шабакаҳои мувофиқ таъмин шудаанд.

Ба масъулон супориш дода шудааст, ки ҳолати таҷҳизот, сифати хизматрасонӣ ба аҳолӣ, истифодаи оқилонаи об ва риояи талаботи санитариро мунтазам назорат кунанд.

📲 Your.tj дар ➡️ Telegram / Facebook / Instagram / TikTok / Threads