📌 Аз Русия ба Тоҷикистон бурдани беш аз 1 млн рубл нақд манъ шуд

Аз имрӯз, 29 сентябр, қоидаҳои интиқоли пули нақди Русия ба Тоҷикистон ва бархе кишварҳои дигар сахттар шуданд.

Тибқи фармони нави президенти Русия Владимир Путин, шахсони воқеӣ наметавонанд аз Русия ба Тоҷикистон беш аз 1 миллион рубл пули нақд баранд. Ин маҳдудият ба кишварҳои узви ЕАЭС, инчунин Озарбойҷон ва Узбекистон низ дахл дорад.

Барои интиқоли маблағи бештар истисно пешбинӣ шудааст. Дар сурати интиқол тавассути фурудгоҳҳои байналмилалии муайяншуда ва пешниҳоди ҳуҷҷатҳои бонкие, ки гирифтани маблағро аз суратҳисоб тасдиқ мекунанд, ин маҳдудият татбиқ намешавад.

Маҳдудияти нав маҳз ба рубли нақди Русия дахл дорад ва қоидаҳои алоҳидаи амалкунанда барои интиқоли асъори нақдии хориҷӣ аз Русияро бекор намекунад.

📲 Your.tj дар ➡️ Telegram / Facebook / Instagram / TikTok / Threads