Дар Тоҷикистон заминларза ба қайд гирифта шуд

Имрӯз, 23 сентябр, соати 10:46 ба вақти маҳаллӣ дар қаламрави Тоҷикистон заминларза ба қайд гирифта шудааст.

Хадамоти геофизикии Академияи миллии илмҳои Тоҷикистон хабар медиҳад, ки маркази заминларза 286 километр ҷанубу шарқи Душанбе, 25 километр ҷануби шаҳри Хоруғ ва 147 километр ҷанубу ғарби кӯли Сарез ҷойгир будааст.

Қувваи заминларза дар марказ 3–4 балл, дар Хоруғ 3 балл ва дар ҳудуди кӯли Сарез 2–3 баллро ташкил додааст.

Тибқи иттилои аввалия, бар асари заминларза талафоти ҷонӣ, осебдидагон ё хисороти моддӣ ба қайд гирифта нашудааст.

📲 Your.tj дар ➡️ Telegram / Facebook / Instagram / TikTok / Threads