💐“MODA YO‘LI” respublika ko‘rik-tanlovining final bosqichi bo‘lib o‘tdi

Tanlovning respublika bosqichida O‘zbekistonning turli hududlaridan saralangan 55 nafar yosh dizayner qiz o‘z mualliflik kolleksiyalarini namoyish etdi.

Tanlovga 20 000 dan ortiq ariza kelib tushdi. Ishtirokchilar to‘rtta yo‘nalish — zamonaviy moda, avangard, milliy moda va oqshom liboslari bo‘yicha bellashdi.

G‘oliblar uchun jami 300 million so‘mlik mukofotlar ajratildi. Har bir yo‘nalish bo‘yicha birinchi o‘rin sohibiga 25 million, ikkinchi o‘rin sohibiga 15 million, uchinchi o‘rin sohibiga 10 million so‘mlik vaucher berildi. Gran-pri sohibiga esa xorijda ta’lim olish va malaka oshirish uchun 100 million so‘mlik dastur taqdim etildi.

“MODA YO‘LI” loyihasi yosh dizaynerlarni qo‘llab-quvvatlash, ularning ijodiy salohiyatini yuzaga chiqarish va milliy moda sanoatida yangi professional imkoniyatlar yaratishga qaratilgan.

Tanlov Yoshlar ishlari agentligi, Qizlar ovozi klubi va Dizaynerlar klubi tomonidan tashkil etildi.

🕊Telegram 📸Instagram 📺YouTube 🌍 Linkedin 🌍Veb sayt