🏃 Salomatlikni saqlash uchun kuniga 10 000 qadam yurish tavsiyasi aslida marketing hiylasi bo‘lib, uni Yaponiyadagi ilk qadam o‘lchagich (pedometr) ixtirochilari o‘ylab topgan.

«Manpo-kei» qurilmasi 1965-yilda paydo bo‘lgan: u kamarga taqilgan, qadamlar esa soatdagidek millar orqali hisoblangan. Xo‘sh, nega aynan 10 ming? «Manpo-kei»ning «100 yoshgacha yashashni istasangiz — kuniga 10 000 qadam bosing!» degan esda qolarli shiori bor edi. Biroq bu shiorning o‘zi iyeroglifga moslashtirib to‘qilgan edi.

Gap shundaki, yaponcha 10 000 raqamini anglatuvchi iyeroglif (万 — Man) qadam tashlayotgan odam qiyofasiga o‘xshaydi. Butun marketing kampaniyasi ham aynan shunga asoslangan edi. «10 000» sonida hech qanday mo‘jizaviy xususiyat bo‘lmagan, shunchaki u yaxlit son bo‘lib, qadam o‘lchagich siferblatida hamda qurilma nomida chiroyli ko‘ringan.

Keyinchalik bu g‘oyani boshqa kompaniyalar ham ilib ketdi va bu raqam odamlar ongiga o‘rnashib qoldi. Bugungi kunda esa ko‘plab tadqiqotlarga ko‘ra, kuniga 7–15 ming qadam bosish normal faollik hisoblanadi.

@webmakon