21-SENTABR — XALQARO TINCHLIK KUNI

Har yili 21-sentabr kuni dunyo bo‘ylab Xalqaro tinchlik kuni nishonlanadi. Ushbu sana BMT Bosh Assambleyasi tomonidan xalqlar va davlatlar o‘rtasida tinchlik, o‘zaro hurmat hamda hamjihatlik g‘oyalarini mustahkamlash maqsadida ta’sis etilgan.

Tinchlik — insoniyatning eng ulug‘ ne’mati, taraqqiyot va farovon hayotning mustahkam poydevoridir. Ayniqsa, yoshlarning bilim olishi, o‘z salohiyatini ro‘yobga chiqarishi va kelajakka ishonch bilan intilishi uchun tinchlik muhim ahamiyatga ega.

O‘zbekiston yoshlari umumjahon assotsiatsiyasi xorijda tahsil olayotgan va mehnat qilayotgan barcha vatandoshlarimizni, hamkorlarimizni hamda dunyo yoshlarini ushbu sana bilan samimiy muborakbod etadi!

Barchamizga tinch va osoyishta hayot, xalqlar o‘rtasida do‘stlik, o‘zaro hurmat va hamjihatlik tilaymiz.

Tinchlik — eng ulug‘ ne’mat!


🌐Telegram sahifamizga obuna bo’ling -  @wayuuz

🌐Instagram |  🌐Facebook |  🌐YouTube | 🌐LinkedIn

www.wayu.uz