Пра што кажуць палітыкі?

Мы наведалі акцыю беларусаў Варшавы 29 студзеня, каб паразмаўляць пра палітыкаў і іх сапраўдныя мэты. У гэтай сувязі мы ўзгадалі заклік вяртацца ў Беларусь ад беларускага рэжыму да дыяспары. Шмат хто ўспрыняў гэтыя словы буквальна, як жаданне распачаць масавае вяртанне. Але, калі браць пад ўвагу якім чынам гэта можа быць карысна прамоўцам, то сапраўдная мэта - падзяліць дыспару на актыўных і пасіўна чакаючых літасці, а таксама даць насельніцтву ўнутры краіны малюнак перамогі рэжыму над "беглымі".

Але так сама трэба звяртаць увагу не толькі на прамовы лукашыстаў. Калі нехта кажа "вакол агентура, толькі я сапраўдны і дасведчаны" ці "у мяне зброя я павінен быць прадстаўніком", то каму гэта карысна ў першую чаргу? Відавочна, карысна ў першую чаргу прамоўцы, які патрабуе ўлады.

А што кажуць анархісты? Мы кажам верце ў сябе і блізкіх, будзьце актыўнымі, не ствараце куміраў. Каму гэта карысна? Вырашаць вам...