WARTA – беларускае нацыянальнае медыя

🇫🇷 У Францыі сотні ліцэяў блякаваныя: школьнікі пратэстуюць супраць скарачэньня выдаткаў і недахопу настаўнікаў.

Вучні ў розных гарадах Францыі блякуюць навучальныя ўстановы і выходзяць на вуліцы. Яны патрабуюць вырашыць праблему недахопу выкладчыкаў, перапоўненых клясаў і дрэннага стану школаў.

Пратэсты падтрымліваюць вучнёўскія і настаўніцкія прафсаюзы. У некаторых месцах адбыліся сутыкненьні з паліцыяй, якая ўжывала сьлёзацечны газ.

Улады тлумачаць скарачэньне выдаткаў неабходнасьцю скараціць бюджэтны дэфіцыт і дзяржаўныя выдаткі. Дэфіцыт бюджэту Францыі перавысіў 7 адсоткаў, каб пазьбегнуць абмежаваньняў Эўразьвязу, трэба яго паменшыць ніжэй за 5 адсоткаў пры наяўным дзярждоўгу памерам 120 адсоткаў ВУП. Пад скарачэньне адразу трапілі сацыяльныя гарантыі, што выклікала значныя пратэсты шырокіх пластоў грамадства.

Сфера адукацыі Францыі, якая і да гэтага перажывала істотны крызіс, была даведзеная да адчаю.

Ozon пашырае лагістычную сетку ў Беларусі

Гандлёвы манапаліст з Расеі плянуе адкрыць у Воршы буйны склад для апрацоўкі замоваў, а мясцовы сартавальны цэнтар ужо пашыраны.

У II чвэрці 2026 году беларусы аформілі ўтрая больш замоваў, чым год таму. Адсутнасьць альтэрнатывы яшчэ болей прывязвае беларускі гандаль да Расеі.

Пры гэтым у Расеі аб’екты Ozon з канца жніўня зазналі каля дзесяці атак беспілётнікаў. Дзякуючы ўкраінскім ударам, найбольш адчувальна пацярпелі разьмеркавальныя цэнтры пад Саратавам і Самарай.

Сікорскі: паміж Польшчай і Беларусьсю назіраецца «лёгкая адліга»

Міністар замежных справаў Польшчы Радаслаў Сікорскі заявіў, што ў адносінах зь Беларусьсю назіраецца «лёгкая адліга».

Паводле Сікорскага, Беларусь вызваліла журналіста Андрэя Пачобута пры амэрыканскім пасярэдніцтве і дазволіла яму вярнуцца ў Польшчу.

Ён таксама адзначыў, што апошнім часам на польска-беларускай мяжы спакайней: перасталі лётаць «кантрабандныя балёны».

Сікорскі зазначыў, што Польшча выдаткавала больш за 1 млрд эўра на будаўніцтва загароды і ахову мяжы.

Пры гэтым польскі міністар падкрэсьліў, што ў інтарэсах Польшчы — каб Беларусь захоўвала сваю дзяржаўную адасобленасьць ад Расеі.

«У нашым інтарэсе, каб Беларусь захавала дзяржаўную адасобленасьць ад Расеі».

Паводле Сікорскага, ёсьць прынцыповая розьніца паміж тым, каб Беларусь была партнэрам Расеі, і тым, каб яна стала часткай Расеі. Ён заявіў, што ўжо каля 30 гадоў існуе тэндэнцыя да пашырэньня расейскай тэрыторыі за кошт Беларусі — і гэтага, паводле яго, нельга дапусьціць.

Расея спрабуе падзяліць Кіеў на часткі: каля апоры Паўдзённага масту ў Кіеве зафіксавалі два трапляньня БпЛА

Аб гэтым заявіў мэр гораду Клічко.

Рух па мосьце часова спынены.

❗️Учора Расейскі БПЛА ўдарыў па тэрыторыі Інстытуту ядзерных дасьледаваньняў у Кіеве, дзе знаходзіцца дасьледчы рэактар ВВР-М, паведамляе Дзяржаўная інспэкцыя ядзернага рэгуляваньня Ўкраіны.

У выніку ўдару ўзьнік пажар. Рэактар і сыстэмы, важныя для ядзернай бясьпекі, не пашкоджаныя. Зьменаў радыяцыйнага фону не зафіксавана.

🇪🇪 Эстонія спыняе транзыт збожжа зь Беларусі й Расеі

Эстонія забараніла транзыт беларускага й расейскага збожжа. Пра гэта 1 кастрычніка паведаміў міністар замежных справаў Маргус Цахкна.

Паводле яго, Эстонія ня будзе дапамагаць Расеі падтрымліваць гандаль на фоне вайны супраць Украіны.

Раней Латвія абвясьціла пра пляны ўвесьці 300-адсоткавыя мытныя зборы на збожжа зь Беларусі й Расеі

🇵🇱 Таямнічая пасылка ў Вайсковай жандармэрыі ў Польшчы: трое трапілі ў шпіталь

У штаб-кватэру Вайсковай жандармэрыі ў Новай Дэмбе прыйшоў канвэрт зь Нямеччыны. Пасьля яго адкрыцьця двое жандараў і цывільная асоба адчулі раздражненьне скуры і трапілі ў шпіталь. З суседняга памяшкання эвакуявалі 133 чалавекі.

Першасная праверка не выявіла хімічных, біялягічных або радыялягічных рэчываў. Трох пацярпелых пазьней выпісалі, сьлядоў атручаньня не знайшлі.

У Малдове выбухнуў расейскі БПЛА, які заляцеў з боку Ўкраіны

Дрон выбухнуў у раёне Бранешты, на трасе за 50 км ад Кішынёва.

Гэта ўжо трэці выпадак парушэньня паветранай прасторы Малдовы за сёньня.

🇲🇦 Кароль Марока Мухамэд VI прызначыў Фатыму Захру Мансуры прэм’ер-міністрам краіны

Мансуры стала першай жанчынай у гісторыі Марока, якая ўзначаліла ўрад

Бельгія перадасьць Украіне тры зьнішчальнікі F-16 да канца году па паскоранай працэдуры — Зяленскі

Украіна таксама атрымала тэрміновыя партыі баепрыпасаў для F-16 ад Бельгіі і іншых краін-партнёраў, акрамя Гішпаніі.

30 верасьня 1989 году адбыўся першы Чарнобыльскі шлях у Менску

З ініцыятывы БНФ каля 30 тысяч чалавек прайшлі маўклівым шэсьцем ад гадзіньнікавага заводу праспэктам і правялі мітынг на тагачаснай плошчы Леніна.

Падчас шэсьця, забароненага ўладамі, гучэй Чарнобыльскі звон, не было гучных лёзунгаў і скандаваньняў. Але моц маўклівай плыні людзей моцна ўразіла Беларусь.

Праўда пра Чарнобыль і Курапаты сталі фактарамі, якія паспрыялі разбурэньню Савецкай турмы народаў. Абудзілі беларусаў і наблізілі беларускую Незалежнасьць.