Volnyja

Вераніка Станкевіч пакідае пасаду каардынатаркі Volnyja ў сувязі з прызначэннем на пасаду прадстаўніцы па сацыяльнай палітыцы ў Аб’яднаным Пераходным Кабінеце.

9 кастрычніка Святлана Ціханоўская прызначыла Вераніку Станкевіч прадстаўніцай па сацыяльнай палітыцы ў Аб’яднаным Пераходным Кабінеце.

«Сумяшчэнне гэтых дзвюх пасад немагчыма, бо стварае відавочны канфлікт інтарэсаў і супярэчыць прынцыпам дэмакратычнага кіравання, празрыстасці і падсправаздачнасці», — Вераніка Станкевіч.

Каманда Volnyja віншуе Вераніку з новым прызначэннем і падтрымлівае яе ў гэтым рашэнні. Мы ўпэўненыя, што яе досвед працы з уразлівымі групамі, а таксама напрацаваны досвед стварэння сістэмных працэсаў дапамогі і падтрымкі, заснаваных на Human-based approach, стануць трывалай асновай для яе працы ў Аб’яднаным пераходным кабінеце.

#Вольны — стан душы!

НОВЫ ВЕБІНАР ПРА ПТСР РАЗАМ З ВОЛЬНЫМІ 🧠

Што будзе з блізкімі? Ці атрымаецца застацца ў новай краіне? Ці вернемся мы калі-небудзь дадому? Якой будзе будучыня?

Пасля вызвалення пытанняў без адказу часта становіцца занадта шмат. І сама гэтая нявызначанасць ператвараецца ў крыніцу пастаяннага напружання і стомы, нават калі знешне ўсё больш-менш наладзілася.

Таму гэтым разам запрашаем вас разам з псіхолагамі пагаварыць пра нявызначанасць як кантэкст жыцця пасля вызвалення.

Абмяркуем ⤵️

🟣 як нявызначанасць уплывае на псіхіку
🟣 чаму яна так знясільвае
🟣 дзе шукаць адчуванне ўстойлівасці, калі знешніх гарантый няма
🟣 якія ўнутраныя і знешнія рэсурсы дапамагаюць захоўваць апору і рухацца далей


✏️ Каб далучыцца, дастаткова пакінуць кантакт у кароткай форме рэгістрацыі.

*Прыйсці можна незалежна ад таго, ці былі вы на папярэдніх сустрэчах.

Дата: 7 кастрычніка
Час: 18:00 па Варшаве
Фармат: анлайн

Будучыню немагчыма прадсказаць. Але можна навучыцца стаяць на нагах і тады, калі наперадзе шмат невядомага.

Прыходзьце самі і запрашайце блізкіх 💞

Volnyja і BYSOL запускаюць маштабнае даследаванне пра беларускую салідарнасць!

“Мы верым, што беларуская салідарнасць з кожным годам не змяншаецца, а трансфармуецца і праяўляецца ў новых фарматах!”

Пытанні вельмі простыя і зразумелыя, а вашы адказы дакладна дапамогуць зразумець, як жа мы з вамі разумеем салідарнасць і наколькі яна маштабная сярод людзей!

Спасылка: https://community-study.org/

16 верасня 2026 года 25 палітвязняў былі вызваленыя і дэпартаваныя. Частка групы засталася ў Літве, частка — пераехала ў Польшчу.

Праз два тыдні мы хочам расказаць пра дапамогу, якую атрымалі Вольныя. А таксама пра тую неверагодную салідарнасць і падтрымку, якую беларусы і беларускі аказваюць кожны дзень!

Калі вы таксама хочаце далучыцца да ментарскай супольнасці Volnyja і стаць апорай і плячом для Вольнага ці Вольнай, запоўніце кароткую анкету: https://airtable.com/app5R1ndq9cZt1x2L/pagmG4mqD6Itcv3fz/form?fbclid=PAAaZSH-NarrDbgJz0W66djYkDlupEK8H1EIMwLZ1joNyXE6vFk-qRNobCiSs

#Вольны — стан душы!