Для аршанскіх падлеткаў правялі стрым са зняволенымі віцебскай калоніі 💻

Відэаканферэнцыя была арганізавана аршанскім раённым аддзелам адукацыі для старшакласнікаў 9-ці аршанскіх школ. 174 вучні сядзелі перад маніторамі ў сваіх навучальных установах і глядзелі на быт зняволеных.

Запрасілі на гэты стрым тых утрыманцаў калоніі, якія былі асуджаны за ўжыванне і распаўсюд наркатычных сродкаў. Мэта мерарыемства палягала ў тым, каб падлеткі на свае вочы ўбачылі, што іх чакае за парушэнне заканадаўства. А таксама маглі залаць пытанні вязням пры жыццё ў зняволенні. Пытанні былі загадзя падрыхтаваныя, каб вучні не выходзілі за межы вузкай тэматыкі стрыму.

Відэаканферэнцыя з удзелам зняволеных стала ці не апошнім аргументам у змаганні з падлеткавай "наркатычнай" злачыннасцю, якая ў Оршы стала нярэдкай з'явай. Ідэалагічныя захады, кшталту запрашэнняў на мерапрыемствы БРСМ, у выхаваўчым працэсе дапамагаюць мала...

У ранейшыя гады аршанскіх вучняў вадзілі на сапраўдныя экскурсіі ў мясцовую калонію – так званую “васьмёрку” (ПК-8). Сучасныя тэхналогіі дазваляюць наладзіць паточную сістэму: паходы ў калоніі сталі віртуальнымі, і далучыць да іх цяпер можна сотні падлеткаў. Аддзел адукацыі задаволены.