13.11 (субота) вас чакаюць "ПРЫГОДЫ МЕНСКІХ ШКАЛЯРОЎ"!

Гэтая экскурсія дазволіць вам сесьці за парты менскіх навучальных устаноў XVIII - пач. ХХ стст.

Таямнічыя езуіцкія школа і калегіюм, мужчынскія і жаночыя гімназіі, рэальныя вучэльні, камерцыйная вучэльня, мужчынская і жаночая духоўныя семінарыі, габрэйскія навучальныя ўстановы і ня толькі – у Менску цягам стагодзьдзяў вучылі цікава і вельмі разнастайна!

Мы пабываем з вамі ля будынкаў, у якіх калісьці знаходзіліся менскія адукацыйныя ўстановы, пагутарым пра іх гісторыю і лёс, узгадаем безьліч цікавых і сьмешных выпадкаў з жыцьця менскіх шкаляроў розных стагодзьдзяў.

Маршрут: плошча Свабоды – вуліца Леніна – вуліца Карла Маркса – вуліца Кірава.

Адлегласьць: 2797 крокаў.

Сустракаемся ў 14.00 ля ўваходу ў Катэдру, пл. Свабоды, 9.