14.11 (нядзеля) вас чакаюць "ТАЯМНІЦЫ КАТАЛІЦКІХ СЬВЯТЫНЯЎ"!

Падчас гэтай экскурсіі пагутарым пра каталіцтва на Беларусі агулам і менскія каталіцкія сьвятыні ў прыватнасьці.

Калі каталіцтва прыйшло на беларускія землі? Якія каталіцкія абразы на Беларусі найбольш вядомыя? Хто яны - беларускія каталіцкія сьвятыя? А таксама - калі, дзе і па чыёй замове быў пабудаваны першы менскі касьцёл? Колькі касьцёлаў і кляштараў было ў Менску? Адказы на гэтыя пытаньні вы пачуеце падчас экскурсіі.

Падчас наведваньня касьцёлу Сьвятых Сымона і Алены і Архікатэдральнага касьцёлу Імя Найсьвяцейшай Панны Марыі вас чакае аповед пра каталіцкую сакральную архітэктуру, сьвяты, традыцыі, сімволіку, фрэскі і арганы. А яшчэ ў Катэдры мы спусьцімся ў таямнічую пахавальную крыпту XVIII стагодзьдзя!

Таксама мы пабачым і пагутарым пра адзіны ў Менску дом пад гербам, палац Чапскіх, вуліцы Зборавую і Філіцыянаўскую, і пра шмат што яшчэ.

Маршрут: Чырвоны касьцёл - прасьпект Незалежнасьці - Гарадзкі Вал - вуліца Інтэрнацыянальная - Катэдра.

Адлегласьць: 2216 крокаў.

Сустракаемся ў 14.00 ля Чырвонага касьцёлу каля статуі Арханёла Міхаіла.