⚫️Bolalarning xavfsiz ta’lim olishi va o‘zbek tilining raqamli makondagi o‘rnini mustahkamlash — kelajak avlod manfaatlari hamda milliy taraqqiyot bilan bevosita bog‘liq ustuvor masalalardir.
➡️14-oktabr kuni Toshkent shahridagi «Ilhom» teatrida HAYOT Foundation tomonidan tashkil etilgan tadbirda aynan shu ikki yo‘nalishga qaratilgan loyihalar taqdim etildi.
⚫️
«Maktabga Xavfsiz Harakat»
dasturining yangi bosqichi doirasida ikki maktabga avtobuslar kalitlari topshirildi. Mazkur tashabbus bolalarning ta’lim muassasalariga xavfsiz qatnovini ta’minlashga qaratilgan amaliy sa’y-harakatlarning muhim ifodasidir.
⚫️
Shuningdek,
«Til.uz»
loyihasi taqdimoti o‘tkazilib, o‘zbek tilining raqamli muhitdagi imkoniyatlarini kengaytirish va milliy tilimizning zamonaviy texnologiyalar bilan uyg‘un rivojlanishi masalalariga e’tibor qaratildi.
👍Tadbirda O‘zbekiston Milliy media assotsiatsiyasi boshqaruvi raisi Odiljon Tojiyev ishtirok etib, «Til.uz» loyihasi taqdimoti doirasida so‘zga chiqdi.
✔️
Har ikki yo‘nalishdagi tashabbuslarni keng jamoatchilikka yetkazish va ularning ijtimoiy ahamiyatini yoritishda ommaviy axborot vositalari muhim o‘rin tutadi.
Instagram | Facebook | Linkedin | You tube | X