🇺🇿O‘zbekiston Respublikasi “Kapital bozori to‘g‘risida”gi Qonuni loyihasining mazmun-mohiyati
🗣Kapital bozorini rivojlantirish uchun amalga oshirilgan ishlar
So‘nggi yillarda O‘zbekiston kapital bozorini rivojlantirish va investitsiya muhitini yaxshilash bo‘yicha qator muhim islohotlar amalga oshirildi.
Xususan, xalqaro moliya institutlariga milliy valyutada obligatsiyalar chiqarish huquqi berildi, mamlakatda ilk bor ipoteka obligatsiyalari muomalaga chiqarildi hamda “Tartibga solish qumdoni” mexanizmi joriy etildi.
Jumladan, “Tartibga solish qumdoni” mexanizmi doirasida yangi moliyaviy instrumentlar va investorlarni jalb qilish uchun imkoniyatlar yaratildi.
🗣“Kapital bozori to‘g‘risida”gi yangi qonunga ehtiyoj
Kapital bozori rivojlanib borishi davomida zamonaviy talablar va xalqaro standartlar bilan yanada uyg‘unlashgan yangi qonunga ehtiyoj paydo bo‘ldi.
Asosiy maqsad — milliy kapital bozorini zamonaviy xalqaro standartlar asosida rivojlantirish, investorlar huquqlarini himoya qilish va investitsiyalarni jalb qilish imkoniyatlarini kengaytirishdir.
Yangi qonun kapital bozori vositalarini ko‘paytirish, zamonaviy moliyaviy instrumentlarni joriy etish va bozor infratuzilmasini takomillashtirishga xizmat qiladi.
Buning natijasida mamlakat kapital bozorining shaffofligi, jozibadorligi va raqobatbardoshligi yanada oshishi kutilmoqda.
🗣Yangi Qonun loyihasida nazarda tutilgan asosiy yangiliklar
Yangi Qonun loyihasida:
– kapital bozori vositalari turlari kengaytirilib, qo‘shimcha ravishda 10 ta yangi moliyaviy instrument joriy etiladi;
– hosila moliyaviy vositalar (opsion, fyuchers, forvard, svop va narxlar farqi shartnomalari) muomalaga kiritiladi;
– qoplangan va sekyuritizatsiyalangan obligatsiyalar chiqarish huquqiy jihatdan tartibga solinadi;
– yashil va ijtimoiy loyihalarni moliyalashtirish uchun barqaror rivojlanish obligatsiyalari joriy etiladi;
– sukuk hamda boshqa islomiy moliya instrumentlarini joriy etish uchun huquqiy asos yaratiladi;
– milliy ekspertizalar mexanizmi amaliyotga tatbiq etiladi.
Bu yangiliklar iqtisodiyotga uzoq muddatli investitsiyalarni jalb qilish imkoniyatlarini kengaytiradi.
RU🇷🇺
📱Web 📱Telegram 📱Instagram 📱Facebook 📱Youtube 📱Linkedin