Минскда «ИННОПРОМ. Беларусь» халқаро саноат кўргазмаси ўтказилмоқда

🇧🇾 Айни кунларда Минск шаҳрида саноат, бизнес, савдо-саноат палаталари ҳамда давлат ташкилотлари вакилларини бирлаштирган II Халқаро «ИННОПРОМ. Беларусь» саноат кўргазмаси бўлиб ўтмоқда.

✔️ Тадбирда Ўзбекистон Савдо-саноат палатаси раиси Даврон Вахабов ҳам иштирок этмоқда. Кўргазма мамлакатлар саноат салоҳиятини намойиш этиш, янги ишбилармонлик алоқаларини ўрнатиш ва қўшма лойиҳаларни муҳокама қилиш учун майдон бўлиб хизмат қилмоқда.

Халқаро тадбирда Беларусь, Тожикистон, Қозоғистон ва Қирғизистон савдо-саноат палаталари раҳбарияти вакиллари — Елена Малиновская, Ҳайдар Ражабзода, Мурат Каримсаков ва Темир Сариев ҳам иштирок этмоқда.

👍 Кўргазманинг муҳим тадбирларидан бири — МДҲга аъзо давлатлар савдо-саноат палаталари раҳбарлари кенгаши йиғилиши. Унда палаталар ўртасидаги ҳамкорликни янада мустаҳкамлаш, тадбиркорларнинг халқаро кўргазмалардаги иштирокини кенгайтириш ва бизнес алоқаларини ривожлантириш масалалари муҳокама қилинмоқда.

🕊Telegram 📱Instagram 📱Facebook 📺Youtube