🚜 Якка тартибдаги тадбиркор бизнесини кенгайтирмоқчи. Унга янги ускуна, техника ёки бошқа мол-мулк керак. Аммо бухгалтерия баланси бўлмагани сабабли лизингдан фойдаланишда чекловлар юзага келиши мумкин.
Янги қонун лойиҳаси ана шу масалани ҳал қилишга қаратилган.
🏛Парламент Қуйи палатаси мажлисида якка тартибдаги тадбиркорларнинг лизинг хизматларидан фойдаланиш имкониятларини кенгайтиришга қаратилган қонун лойиҳаси биринчи ўқишда кўриб чиқилди.
Энг муҳим янгилик — якка тартибдаги тадбиркор ҳам расман лизинг олувчи сифатида белгиланиши таклиф этилмоқда.
Бунинг учун Фуқаролик кодекси ва «Лизинг тўғрисида»ги қонунга тегишли ўзгартиришлар киритилади.
Бу тадбиркор учун нимани англатади⁉️
👍Лизинг олиш имконияти кенгаяди.
Якка тартибдаги тадбиркор қонунчиликда аниқ белгиланган лизинг олувчи мақомига эга бўлади.
👍 Бухгалтерия баланси билан боғлиқ чеклов бартараф этилади.
Якка тартибдаги тадбиркорда бухгалтерия баланси мавжуд эмаслиги ҳисобга олиниб, лизинг объектини лизинг берувчининг балансида ҳисобга олиш назарда тутилмоқда.
👍 Шартнома шартлари аниқ белгиланади.
Лизинг объектининг ҳуқуқий ва мулкий эгалиги, амортизацияни қўллаш тартиби, ундан фойдаланиш шартлари ва чекловлари шартномада мажбурий кўрсатилади.
Мажлисдаги муҳокамалар якунида қонун лойиҳаси биринчи ўқишда қабул қилинди.
🕊Telegram 📱Instagram 📱Facebook 📺Youtube