✔️ Ўзбекистон Савдо-саноат палатасида «Буюк Ипак йўли бўйлаб инклюзив ва қулай туризмни ривожлантириш» мавзусида учрашув бўлиб ўтди. Мулоқот Ўзбекистон Савдо-саноат палатаси, Туризм қўмитаси, «SHARQ AYOLI» халқаро хотин-қизлар жамоат фонди ҳамда Ўзбекистон Менежерлар ассоциацияси ҳамкорлигида ташкил этилди.
🇰🇿 Учрашувда Қозоғистон томонидан Туркий тадбиркор аёллар кенгаши, Қозоғистон тадбиркор аёллар миллий ассоциацияси «АСМАР» ҳамда «DOS» мустақил ҳаёт маркази вакиллари иштирок этди.
🇺🇿 Ўзбекистон томонидан эса Ижтимоий ҳимоя миллий агентлиги, Туризм, туристик ва меҳмонхона тармоқларини ривожлантириш илмий-тадқиқот институти, ногиронлиги бўлган шахслар жамоат бирлашмалари, хотин-қизлар ва тадбиркорлик ташкилотлари вакиллари қатнашди.
Учрашувнинг асосий мавзуси — туризм инфратузилмасини инклюзивлик талабларига мослаштириш ва Буюк Ипак йўли бўйлаб барча сайёҳлар учун қулай туристик йўналишларни шакллантириш бўлди.
🎅Томонлар ногиронлиги бўлган шахслар, кекса авлод ва бошқа эҳтиёжлари турлича бўлган сайёҳлар учун туризм объектларидан фойдаланиш имкониятларини кенгайтириш, инфратузилмани мослаштириш ҳамда туристик хизматларни янада қулайлаштириш масалаларини муҳокама қилди.
Шунингдек, туризм объектлари ҳақидаги ахборотдан фойдаланиш имкониятини кенгайтириш, рақамли технология ва замонавий ечимларни жорий этиш, шу орқали инклюзив туризм учун ягона қулай муҳит яратиш истиқболлари кўриб чиқилди.
👍 Учрашув якунида томонлар инклюзив туризм соҳасида тажриба алмашиш, амалий ҳамкорликни кенгайтириш, қўшма ташаббуслар ва туристик йўналишларни биргаликда ишлаб чиқиш бўйича ҳамкорликни давом эттиришга келишиб олди.
🕊Telegram 📱Instagram 📱Facebook 📺Youtube