🇧🇾 29–30 сентябрь кунлари Хива шаҳрида Ўзбекистон – Беларусь аёлларининг тўртинчи бизнес-форуми доирасида «Made in Uzbekistan» ва «Made in Belarus» миллий кўргазмалари ташкил этилади.
Кўргазманинг асосий мақсади — икки мамлакатнинг саноат, экспорт, инновация ва ишлаб чиқариш салоҳиятини намойиш этиш, хотин-қиз тадбиркорлар ўртасида тўғридан-тўғри бизнес алоқаларини йўлга қўйиш ва янги ҳамкорлик лойиҳаларини шакллантиришдан иборат.
🇺🇿 «Made in Uzbekistan» миллий экспозицияси учун қарийб 500 кв. метр майдон ажратилиб, унда қишлоқ хўжалиги ва озиқ-овқат саноати, тўқимачилик, чарм-пойабзал, мебель, фармацевтика, электротехника, IT, туризм, ҳунармандчилик ва автомобилсозлик йўналишлари намойиш этилади.
🇧🇾 «Made in Belarus» миллий экспозицияси ҳам 500 кв. метр майдонда ташкил этилиб, озиқ-овқат, енгил саноат, мебель ва деревообработка, нефт-кимё, машинасозлик, энергетика, фармацевтика ва тиббиёт соҳалари маҳсулотлари тақдим этилади.
Кўргазмада тадбиркорлар учун B2B учрашувлар, импортёр ва экспортёрлар музокаралари, саноат кооперацияси бўйича учрашувлар, инвестиция лойиҳалари тақдимотлари ҳамда шартнома ва меморандумлар имзолаш имкониятлари яратилади.
Бу — икки мамлакат маҳсулотларини намойиш этиш билан бирга, янги ҳамкорлар топиш ва аниқ бизнес келишувларига эришиш учун очиқ майдон.
Батафсил маълумот учун:
📞 +998770040006
📞 +998991712239
🕊Telegram 📱Instagram 📱Facebook 📺Youtube