Braziliya terma jamoasining sobiq futbolchisi, 2002-yilgi jahon chempioni Rivaldo milliy jamoaning 2030-yilgi jahon chempionatidagi imkoniyatlari haqida fikr bildirdi.
Afsonaviy futbolchining ta’kidlashicha, Braziliya terma jamoasi uchun navbatdagi mundialda chempionlikni qo‘lga kiritish nihoyatda murakkab vazifa bo‘ladi.
«Bu juda qiyin bo‘ladi. Bu yil Braziliyada terma jamoaning ishtiroki ko‘pchilikning hafsalasini pir qildi. Hozir jamoa tarkibi yangilandi. Agar Braziliya 2030-yilgi jahon chempionatida g‘olib chiqsa, bu haqiqiy mo‘jiza bo‘ladi»,
— dedi Rivaldo.
Ma’lumot uchun, Braziliya terma jamoasi tarixda besh marta jahon chempioni bo‘lgan. «Selesao» so‘nggi bor 2002-yilda Janubiy Koreya va Yaponiyada o‘tkazilgan mundialda bosh sovrinni qo‘lga kiritgan. O‘sha chempionatda Rivaldo ham Braziliya terma jamoasi safida ishtirok etgan.
Eslatib o‘tamiz, Braziliya terma jamoasi 2026-yilgi jahon chempionatining 1/8 finalida Norvegiyaga 1:2 hisobida mag‘lub bo‘lib, musobaqani tark etgan.
🏦O‘zbek va jahon sportiga oid eng so‘nggi yangiliklar: @Uzasport