🇪🇸 «Real Madrid» Kurtua bilan shartnomani 2028-yilgacha uzaytirishga yaqin

Madridning «Real» klubi belgiyalik darvozabon Tibo Kurtua bilan amaldagi shartnomani yana bir yilga uzaytirish bo‘yicha dastlabki kelishuvga erishdi.

Jurnalist Fabritsio Romano ma’lumotlariga ko‘ra, tomonlar 2028-yilning yozigacha mo‘ljallangan yangi bitim yuzasidan kelishib olgan. Yaqin kunlarda shartnoma rasmiylashtirilishi kutilmoqda.

34 yoshli darvozabonning «Real Madrid» bilan amaldagi shartnomasi 2027-yilning yozigacha mo‘ljallangan.

Kurtua 2018-yildan buyon Madrid klubi sharafini himoya qilib kelmoqda.

🏦O‘zbek va jahon sportiga oid eng so‘nggi yangiliklar: @Uzasport