🇪🇸 «Real Madrid» Pedro Porroni transfer qilish imkoniyatini ko‘rib chiqmoqda

Madridning «Real» klubi Angliyaning «Tottenhem» jamoasida to‘p surayotgan ispaniyalik himoyachi Pedro Porroga qiziqish bildirmoqda.

Manbaga ko‘ra, «Qirollik klubi» 27 yoshli futbolchining o‘yinlarini kuzatib bormoqda. Madridliklar tarkibning o‘ng qanot himoyasini kuchaytirish maqsadida Porroni ehtimoliy transfer nomzodlaridan biri sifatida ko‘rib chiqmoqda.

Avvalroq ispaniyalik futbolchini o‘z safiga qo‘shib olishga Kataloniyaning «Barselona» klubi ham qiziqish bildirayotgani haqida xabarlar tarqalgan edi.

Pedro Porro ayni paytda «Tottenhem» bilan amaldagi shartnomaga ega. Uning London klubi bilan tuzgan kelishuvi 2031-yil 30-iyunga qadar mo‘ljallangan.

Transfermarkt portali futbolchining bozor qiymatini 45 million yevroga baholamoqda.

🏦O‘zbek va jahon sportiga oid eng so‘nggi yangiliklar: @Uzasport