⚽️Elit OCHL. 🟡"Paxtakor" so‘nggi daqiqalarda penaltidan gol urib, Saudiyaning yana bir jamoasidan ochko oldi (GOLLAR VIDEOSI)

Toshkentning "Paxtakor" klubi Elit OCHL 2-turida Saudiya Arabistonining "Al-Qodisiya" jamoasi bilan 1:1 hisobida durang o‘ynadi.

"Paxtakor" markaziy stadionida kechgan bahsda mehmonlar 35-daqiqada Tijani Reyndersning goli evaziga oldinga chiqdi.

Toshkentliklar javob golini uchrashuv yakunida urdi. 89-daqiqada Dostonbek Hamdamov penaltini aniq bajarib, jamoasiga bir ochko keltirdi.

Shu tariqa, "Paxtakor" Elit OCHLdagi ikkinchi uchrashuvida ham durang qayd etdi. Jamoa ikki turdan so‘ng 2 ochko jamg‘argan holda 7-o'rinda bormoqda. Saudiya klubi 4 ochko bilan vaqtincha peshqadam bo'lib oldi.

"Sherlar" 3-turda 26-oktyabr kuni "Eyr Fors" mehmoni bo'ladi.

🏦O‘zbek va jahon sportiga oid eng so‘nggi yangiliklar: @Uzasport