QISHLOQ XO'JALIGI VAZIRLIGI

Sifatli urug‘lik — yuqori hosildorlik poydevori

🥔 Kartoshkachilikda yuqori hosildorlikka erishish, sifatli urug‘lik materialidan foydalanish va zamonaviy agrotexnologiyalarni joriy etish muhim ahamiyat kasb etadi. Ayni paytda Jizzax va Samarqand viloyatlaridagi fermer xo‘jaliklarida kartoshkaning mini tuganaklarini yetishtirish bo‘yicha ishlar izchil davom ettirilmoqda.

🇺🇿Jumladan, Jizzax viloyati Baxmal tumanidagi “Islombek Abduraimov” fermer xo‘jaligida joriy yil avgust oyida kartoshkaning besh xil navga mansub jami 250 ming dona mini tuganagi ekildi. Mazkur tajriba turli navlarning o‘sishi va rivojlanishini kuzatish, ularning mahalliy tuproq-iqlim sharoitiga moslashuvini o‘rganish hamda kelgusida sifatli urug‘lik materiallari yetishtirish uchun muhim ahamiyatga ega.

☘️ Samarqand viloyati Bulung‘ur tumanidagi “Yo‘ldosh polvon” fermer xo‘jaligida ham kartoshkachilik yo‘nalishida amaliy ishlar olib borilmoqda. Bu yerda avgust oyida kartoshkaning “Santa” navi mini tuganaklari ekilgan.

✍️E’tiborlisi, ekin maydonlari atrofi maxsus himoya setkalari bilan o‘ralgan bo‘lib, bu dalalarni tashqi omillardan muhofaza qilishga xizmat qiladi.

✅ Ayni paytda har ikki fermer xo‘jaligida kartoshka ekinlarini parvarishlashga alohida e’tibor qaratilib, belgilangan agrotexnik tadbirlar amalga oshirilmoqda. O‘simliklarning o‘sish va rivojlanish holati kuzatilib, ularning sog‘lom rivojlanishi uchun zarur parvarish ishlari olib borilmoqda.

🌐Website 💬Telegram 💬Facebook 📺YouTube 📷Instagram

Xorazmda g‘alla nihollari rivojlanmoqda

🇺🇿Xorazm viloyati Qo‘shko‘pir tumanidagi “Ahmad Juma o‘g‘li” fermer xo‘jaligida 20-sentabr kuni 16 gektardan ortiq maydonga g‘alla ekilgan.

🌾 Ekish jarayonida har gektar yerga 470 kg urug‘lik sarflangan. Ayni paytda maydonlarda g‘alla nihollari yaxshi rivojlanmoqda.

🌐Website 💬Telegram 💬Facebook 📺YouTube 📷Instagram

Edilboy qo‘y zotlari

🐏 Edilboy qo‘y zoti – go‘sht-yog‘ yo‘nalishidagi dag‘al jun beradigan yirik dumbali qo‘y zoti. XIX asrda Qozog‘istonda xalq seleksionerlari tomonidan mahalliy dumbali qo‘ylarni tanlash va ko‘paytirish yo‘li bilan chiqarilgan. Zot yirik gavda tuzilishi, tez o‘suvchanlik, erta yetiluvchanlik, yuqori mahsuldorlik va sifatli juni bilan tavsiflanadi.

ℹ️Mahsuldorligi jihatidan hisori qo‘ylariga yaqin. Tusi qoramtir, qo‘ng‘ir, oq, sarg‘ish, qo‘chqorlari ham, sovliqlari ham to‘qol.

🥩 Qo‘chqorlarining tirik vazni 100–105 (ba’zan 150) kg, sovliqlariniki 65–70 (115) kg, 4–5 oylik qo‘zilariniki 40–42 kg. Qo‘chqorlaridan 3–3,5 kg, sovliqlaridan 2,5 kg jun olinadi (kokillarining uzunligi 15 sm). Sovliqlari nisbatan sersut. Edilboy qo‘y zoti, asosan, Qozog‘istonda sof holda urchitib, ko‘paytiriladi.

🌐Website 💬Telegram 💬Facebook 📺YouTube 📷Instagram

🌳🌳🌳🌳🌳

Dunyo paxtachilik markazi O’zbekistonda bo’ladi

➖O‘zbekiston Italiya bilan agrar ta’limga oid xalqaro hamkorlik aloqalarini kengaytirmoqda. Talabalar qamrovi oshadimi?

➖Paxta xomashyosi yetishtiruvchilarga yana bir qulaylik yaratildi. Endi nimalar o’zgaradi?

➖Agrar sohada yangi tashabbuslar: O‘zbekiston va Afg‘oniston hamkorlikni kengaytiradi. Qaysi yo’nalishlar asosida loyihalar joriy etiladi?

➖Vazir hafta davomida qayerlarga bordi?

Sohaga oid eng so‘ngi yangiliklar "Agro news" dasturida.

Ko’rsatuvning to’liq qismi: https://youtu.be/rC68ILAxys0

🌐Website 💬Telegram 💬Facebook 📺YouTube 📷Instagram

#HaftaYakuni #MavzugaQaytib
#DolzarbMavzu

Toshkent forumi: agrar taraqqiyotning yangi strategiyalari belgilandi

🇺🇿 Yakunlanayotgan haftada Toshkent yana xalqaro agrar muloqot markaziga aylandi. 7–8-oktabr kunlari poytaxtimizda o‘tkazilgan xalqaro anjumanlarda dunyoning 30 dan ortiq davlatidan vakillar ishtirok etdi.

🌱 Xalqaro paxta kuni hamda dengizga chiqish imkoniyati bo‘lmagan rivojlanayotgan mamlakatlarda oziq-ovqat xavfsizligiga bag‘ishlangan forumlarda global paxtachilik istiqbollari, oziq-ovqat xavfsizligi, iqlim o‘zgarishi va zamonaviy agrotexnologiyalar muhokama qilindi.

🎥 Xo‘sh, xalqaro anjumanlar qanday natijalar bilan yakunlandi? Muhokamalarda qanday muhim tashabbuslar ilgari surildi? Haftaning eng muhim agrar voqealari va forum tafsilotlari — reportajimizda.

🌐Website 💬Telegram 💬Facebook 📺YouTube 📷Instagram

Qahva giloslari qanday yetiladi: oq guldan xushbo‘y qahvagacha?

☕️Biz finjonda ko‘rishga o‘rganib qolgan qahva o‘z yo‘lini qahva daraxtidagi kichik oq guldan boshlaydi. Gullashdan so‘ng uning o‘rnida meva shakllanadi – uni qahva gilosi deb atashadi. Xo‘sh, u aynan qanday rivojlanadi va to‘liq yetilgunga qadar uning ichida nimalar sodir bo‘ladi?

🌳Qahva daraxti doim yashil o‘simliklar sirasiga kiradi va uzoq yillar davomida gullab, meva berish xususiyatiga ega. Gullari odatda barg qo‘ynida kichik to‘plamlar holida paydo bo‘ladi. Ular oq rangi va jasmin hidini eslatuvchi mayin ifori bilan ajralib turadi. Changlangandan so‘ng gul asta-sekin so‘lib, uning o‘rnida bo‘lajak meva shakllana boshlaydi.

🫒Dastlabki bosqichda qahva gilosi mitti yashil yoki sarg‘ish tugunchadan iborat bo‘ladi. Dastlabki haftalarda u sekin o‘sadi, chunki uning ichida meva to‘qimalari va bo‘lajak urug‘lar asta-sekin shakllanib boradi. Mevaning hajmi kichik bo‘lgani uchun bu davr ba’zan "to‘g‘nog‘ich uchi" bosqichi deb ham ataladi.

📈 Qahva gilosi rivojlanish jarayonida kattalashib boradi. Uning ichida keyinchalik qahva donachalariga aylanadigan ikkita urug‘ shakllanadi. Urug‘larning po‘stlog‘i bilan qobig‘i orasida tabiiy qand moddalari bo‘lgan shirinroq shilliq to‘qima – eti bo‘ladi. U rivojlanayotgan urug‘lar uchun ozuqa manbai bo‘lib xizmat qiladi.

➕Bir necha oy davomida meva yashilligicha qoladi. Bu davrda urug‘lar faol rivojlanadi, ozuqa moddalar to‘planadi va keyinchalik tayyor qahvaning xushbo‘yligi hamda ta’miga ta’sir ko‘rsatadigan birikmalar shakllanadi. Bu jarayonda yetarli namlik, ozuqa moddalari va mos harorat muhim rol o‘ynaydi.

☕️Pishib yetilishga yaqinlashgan sari qahva gilosi rangini o‘zgartira boshlaydi. U turi va naviga qarab sariq, to‘q sariq yoki qizil bo‘lishi mumkin. Meva po‘sti asta-sekin yumshab, unda qand miqdori oshib boradi.

⏳Arabika navida gullashdan meva pishgunga qadar odatda 7-9 oycha vaqt o‘tadi. Robusta navida bu davr ko‘pincha 9-11 oyni tashkil etadi. Lekin muddatlari navga, haroratga, o‘sish balandligiga va boshqa sharoitlarga bog‘liq. Shu bilan birga, bitta qahva daraxti bir vaqtning o‘zida gullab, rivojlanayotgan va pishgan mevalar bo‘lishi mumkin.

ℹ️Kofe gilosi to‘liq pishib yetilgach, qo‘lda yoki maxsus mashinalar yordamida terib olinadi. Mevalar terib olingandan keyin unga ishlov beriladi, bunda eti va po‘sti olib tashlanadi, urug‘i esa quritiladi va keyingi bosqichga yuboriladi.

☕️ Aynan shu urug‘lar kerakli ishlov berish, qovurish va maydalash bosqichlaridan o‘tib, barchamizga tanish bo‘lgan qahvaga aylanadi. Shunday qilib, har bir finjon qahva – bu qahva daraxtidagi kichik oq guldan boshlanadigan uzoq jarayonning natijasidir.

🌐Website 💬Telegram 💬Facebook 📺YouTube 📷Instagram

📺“O’zbekiston 24” telekanali “Axborot 24” informastsion dasturi orqali “Xorazmda ilk bor Tibet guruchini ekish tajribasi yo‘lga qo‘yilib, import o‘rni qoplanmoqda” nomi ostida lavha efirga uzatildi.

🌐Website 💬Telegram 💬Facebook 📺YouTube 📷Instagram

Paxta maydonlarida polietilen plyonka qoldiqlarini yig‘ishtirish – tuproqni asrash yo‘lidagi muhim qadam

🇺🇿Farg’ona viloyati Qo‘shtepa tumanidagi “Ismoil Jo‘rabek” fermer xo‘jaligining paxta maydonlaridan birida g‘o‘zapoyalar yig‘ishtirib olingach, dalani polietilen plyonka qoldiqlaridan tozalash ishlari amalga oshirilmoqda.

☁️Paxta yetishtirishda qo‘llaniladigan polietilen plyonkalar agrotexnik jihatdan muayyan afzalliklarga ega. Biroq hosil yig‘im-terimidan so‘ng ularning dalada qolishi tuproq holati va ekologik muhitga salbiy ta’sir ko‘rsatishi mumkin. Shu bois plyonka qoldiqlarini o‘z vaqtida yig‘ishtirish – yer resurslaridan oqilona foydalanishning muhim shartlaridan biridir.

🌐Website 💬Telegram 💬Facebook 📺YouTube 📷Instagram

Paxtachida yirik pista plantatsiyasini barpo etish rejalashtirilmoqda

📌Prezidentimizning 2026-yil 9-iyundagi PF-108-sonli “Sanoat usulidagi intensiv mevali bog‘lar barpo etish va eskirgan bog‘larni yangilashni qo‘llab-quvvatlash chora-tadbirlari to‘g‘risida”gi Farmoni ijrosi doirasida Agrosanoatni rivojlantirish agentligi direktori Nurali Abdullayev Samarqand viloyatida bo‘ldi.

📌 Tashrif davomida Paxtachi tumani hokimi Qayum Xushbakov bilan birgalikda Do‘ng mahallasidagi lalmi yaylov yerlaridan samarali foydalanish maqsadida amalga oshirilayotgan loyihalar bilan tanishildi. Jumladan, 5 ming kub metr sig‘imli qurilayotgan suv havzasi hamda kelgusida barpo etilishi rejalashtirilgan 16 ming kub metrli suv havzasi ko‘zdan kechirildi.

📌 Shuningdek, loyiha doirasida dastlab 500 gektar maydonda pista bog‘i barpo etish, kelgusida esa uning hududini 1 000 gektarga yetkazish rejalari ko‘rib chiqildi.

☑ Mazkur loyihalar lalmi yerlardan samarali foydalanish, suv resurslarini to‘plash va pistachilikni rivojlantirish orqali hududning investitsiyaviy salohiyatini oshirishga xizmat qiladi.

🌐Website 💬Telegram 💬Facebook 📺YouTube 📷Instagram

🌾🌾🌾🌾🌾🌾

Butunjahon paxta kuni hamda dengizga chiqish imkoniyati bo‘lmagan rivojlanayotgan davlatlarning oziq-ovqat xavfsizligiga bag‘ishlangan xalqaro forum doirasida Afrikadan tashrif buyurgan ekspert Angelo Dan o‘z fikrlarini bildirdi.

🌐Website 💬Telegram 💬Facebook 📺YouTube 📷Instagram

Salomatlik — farovonlik garovi: vazirlikda sog‘lom turmush tarzi targ‘ib qilinmoqda

✅ Mamlakatimizda sog‘lom turmush tarzini targ‘ib qilish va jismoniy faollikni oshirishga alohida e’tibor qaratilmoqda. Qishloq xo‘jaligi vazirligida ham xodimlar salomatligini mustahkamlash, jismoniy faolligini oshirish va jamoada sog‘lom muhitni shakllantirishga qaratilgan tashabbuslar izchil amalga oshirilmoqda.

🚶‍♂️ Jumladan, har kuni ish vaqti yakunlangach, soat 18:00 dan boshlab xodimlar uchun badantarbiya mashg‘ulotlari va 5 000–10 000 qadam piyoda yurish tadbirlari tashkil etiladi. Bu orqali kun davomida ofisda ishlaydigan xodimlarning jismoniy faolligini oshirish va faol dam olishini ta’minlash ko‘zda tutilgan.

🏆 Shuningdek, an’anaga aylangan “Har juma — sport kuni” doirasida xodimlar futbol, voleybol, stol tennisi, badminton, shaxmat va shashka kabi sport turlari bilan shug‘ullanadi. Mazkur mashg‘ulotlar nafaqat salomatlikni mustahkamlash, balki jamoaviy hamjihatlik va o‘zaro do‘stona munosabatlarni rivojlantirishga ham xizmat qiladi.

🟢Sog‘lom turmush tarzi — samarali mehnat va yuqori natijalarning muhim omili. Vazirlikda yo‘lga qo‘yilgan ushbu tashabbuslar xodimlarning jismoniy faolligini oshirish, bo‘sh vaqtini mazmunli tashkil etish hamda jamoada sog‘lom muhitni mustahkamlashga qaratilgan.

🌐Website 💬Telegram 💬Facebook 📺YouTube 📷Instagram