✍️ "ISYONKOR POETIKA DAHOSI" — MIXAIL LERMONTOV
Bugun, 15-oktyabr kuni jahon adabiyotida chuqur iz qoldirgan rus shoiri, yozuvchisi va dramaturgi Mixail Yuryevich Lermontov tavallud topgan kun (1814–1841).
Atigi 26 yil umr ko‘rgan bo‘lsada, u o‘zidan keyin adabiyot xazinasiga bebaho asarlar va takrorlanmas falsafiy she'riyatni meros qilib qoldirdi.
📖 ADABIYOTDAGI O‘RNI VA SHOIRLIK TAQDIRI
⚡ Pushkin davomchisi: Aleksandr Pushkin vafot etganida, 22 yoshli Lermontov uning xotirasiga bag‘ishlab "Shoirning o‘limi" ("Смерть поэта") she'rini yozgan va bir kechada butun mamlakatga mashhur bo‘lib ketgan.
📕 O‘zbek adabiyotiga ta'siri: Lermontov asarlari o‘zbek tiliga ham mahorat bilan o‘girilgan. Xususan, Cho‘lpon, G‘afur G‘ulom, Mirtemir va Oybek kabi adiblarimiz uning she'rlari hamda "Bizning zamon qahramoni" va "Iblis" ("Демон") asarlarini o‘zbek tiliga yuksak mahorat bilan tarjima qilishgan.📌 QIZIQARLI FAKT:
Lermontov shunchaki shoir va zobit emas, balki iqtidorli rassom ham bo‘lgan. U Kavkaz manzaralari va harbiy hayot aks etgan ko‘plab kartinalar chizgan. Afsuski, Pushkin kabi Lermontov ham yoshligida, Pyatigorskda duel natijasida fojiali halok bo‘lgan.