ДСМ Алматыда мектеп оқушыларының жаппай улануына байланысты мәлімдеме жасады

12-13 аралығында Республикалық физика-математика мектебінің 47 оқушысы жұқпалы аурулар ауруханасына жатқызылған. Қазір олардың бәрі дәрігерлердің бақылауында.

Интернатта тағы 8 бала оқшауланып, медициналық бақылауға алынған.

Тексеру кезінде асханада азық-түлікті сақтау және тамақтануды ұйымдастыру талаптарының бұзылғаны анықталды.

Мектеп пен асханаға қатысты бес қаулы шығарылып, шектеу шаралары енгізілді. Интернатта дезинфекция жүргізіліп, науқастармен байланыста болғандар медициналық бақылауға алынды.