Жаңаарқада кәмелетке толмағандарға алкоголь сатқан сатушы жауапқа тартылды

Ұлытау облысының Жаңаарқа ауданында полиция қызметкерлері жергілікті дүкендердің бірінде жасөспірімдерге алкогольдік ішімдік сату дерегін анықтады. Тәртіп сақшылары заңбузушылықтың жолын кесіп, дүкен сатушысын әкімшілік жауапкершілікке тартты. Оқиғадан кейін жасөспірімдердің ата-аналарымен де профилактикалық түсіндіру әңгімелері жүргізілді.

Полиция департаменті кәмелетке толмағандардың алкогольге қол жеткізуінің алдын алуда сауда орындары қызметкерлерінің заңды қатаң сақтауы маңызды екенін ескертеді. Тәртіп сақшылары сауда өкілдерін заң талаптарын бұзбауға, ал ата-аналарды балалардың қауіпсіздігі мен тәрбиесіне жауапкершілікпен қарауға шақырады.