Кейбір мамандықтарға үш жылдық бакалавриат енгізілуі мүмкін

Қазақстанда IT, цифрлық технологиялар, маркетинг, сервис және туризм бағыттарында бакалавриат оқу мерзімін үш жылға қысқарту ұсынылды.

Құрылтай депутаты Махамбет Хасеновтің айтуынша, 2035 жылға қарай ел экономикасына шамамен 3 млн маман қажет болады. Оның 1,8 миллионы жұмысшы мамандықтарға тиесілі.

Депутат оқу уақытын оңтайландырып, дуалды білім беру мен практикалық оқытуға басымдық беруді ұсынды.

Қазір кейбір ЖОО-ларда үш жылдық бакалавриат бар. Алайда педагогика, медицина және сәулет салаларында оқу мерзімін қысқартуға шектеу қойылады. Студенттер 240 кредит көлеміндегі академиялық жүктемені орындауы тиіс.