Астанада 3 келіден астам мефедрон тасымалдаған күдіктілер ұсталды

Астана қаласында есірткінің ірі партиясын жеткізбек болған 20 жастағы ер адам мен 18 жастағы бойжеткен құрықталды. Күдіктілер мінген KIA автокөлігін тінту кезінде 2 келі мефедрон, ал олар тұрған пәтерден тағы 1 келіге жуық есірткі заттары тәркіленді. Жалпы салмағы 3 келіден асатын психотроптық зат алынып, екі күдікті де уақытша ұстау изоляторына қамалды.