Астанада есірткіге қарсы 1500 адамның қатысуымен бұқаралық жүгіру өтті

Астана қаласында "Заң мен тәртіп" тұжырымдамасы мен "Астана – есірткісіз қала" жобасы аясында "Бір рух – бір қадам" атты бұқаралық жүгіру шарасы ұйымдастырылды. Сарыарқа ауданының әкімдігі, спорт басқармасы және Полиция департаменті бірігіп өткізген спорттық акцияға 1500 адам қатысып, 4 және 7 шақырымдық қашықтықтарды жүгіріп өтті. Шара барысында тәртіп сақшылары тұрғындар арасында салауатты өмір салтын насихаттап, есірткінің зияны мен заңды жауапкершілік туралы түсіндіру жұмыстарын жүргізді.