ЖИГИТТИ УНААГА САЛЫП КЕТҮҮГӨ АРАКЕТ КЫЛГАН ТОП МИЛИЦИЯГА ЖЕТКИРИЛДИ

Бишкекте Филармониянын жанында топ адамдар бир жигитти унаага салып кетүүгө аракет кылганы тартылган видео социалдык тармактарда тарады.

Бул факты боюнча Бишкек шаарынын Биринчи май райондук ички иштер башкармалыгы тарабынан текшерүү иштери башталды.

Милициянын маалыматына караганда, окуяга катышкан бардык жарандардын өздүгү аныкталып, алар Биринчи май РИИБге жеткирилди.

Учурда окуянын себептери жана бардык жагдайлары такталууда. Текшерүүнүн жыйынтыгы менен тиешелүү чечим кабыл алынат.