Sanoat zonalarini rivojlantirishda ilg‘or tajribalar o‘rganildi
Toshkent viloyati Sanoat zonalarini boshqarish direksiyasi mas'ullari Toshkent shahrining Yashnobod tumanida joylashgan Texnopark faoliyati bilan tanishdi.
Ishchi uchrashuv davomida Texnoparkda yo‘lga qo‘yilgan ishlab chiqarish jarayonlari, zamonaviy texnologiyalarning qo‘llanilishi hamda sanoat korxonalari uchun yaratilgan shart-sharoitlar o‘rganildi.
Shuningdek, sanoat ishlab chiqarishini kengaytirish, mavjud quvvatlardan samarali foydalanish, investitsiya loyihalarini hayotga tatbiq etish va sanoat zonalari faoliyati samaradorligini oshirish borasidagi ilg‘or tajribalar yuzasidan fikr almashildi.
Ayniqsa, zamonaviy boshqaruv yondashuvlarini joriy etish, sanoat zonalarining investitsiyaviy jozibadorligini oshirish hamda yangi ishlab chiqarish loyihalarini rivojlantirish imkoniyatlariga alohida e’tibor qaratildi.
Mazkur amaliy muloqot davomida o‘rganilgan tajribalar Toshkent viloyatidagi sanoat zonalari faoliyatini takomillashtirish, ishlab chiqarish salohiyatini yanada oshirish va yangi investitsiya loyihalarini amalga oshirishda muhim ahamiyat kasb etadi.
✅Telegram 🌐Website 📹YouTube✅Facebook 🕊Twitter🌐Instagram