#ijtimoiy_himoya

Har bir bolaning ehtiyoji alohida e’tiborda

Ijtimoiy himoya milliy agentligining Toshkent viloyati boshqarmasi huzurida navbatdagi psixologik-tibbiy-pedagogik komissiya ko‘rigi bo‘lib o‘tdi.

Unda 200 nafarga yaqin bola qamrab olindi. Ko‘rik davomida malakali mutaxassislar tomonidan bolalarning aqliy, jismoniy va psixologik holati har tomonlama baholandi.

Mutaxassislar tomonidan o‘tkazilgan suhbat, kuzatuv va baholashlar asosida bolalarning ta’lim olish imkoniyatlari o‘rganilib, ularni tegishli ta’lim shakllariga yo‘naltirish bo‘yicha tavsiyalar berildi.

Ko‘rik yakunlari asosida bolalarning individual ehtiyojlariga mos ravishda ta’lim va rivojlanish yo‘nalishlari belgilandi. Jumladan, ayrim bolalarga inklyuziv ta’lim, boshqalariga esa ixtisoslashtirilgan ta’lim shakllaridan foydalanish bo‘yicha tavsiyalar berildi.

Mazkur jarayonda mahallalarda faoliyat yuritayotgan ijtimoiy xodimlarning ko‘magi ham muhim o‘rin tutmoqda. Ular bolalar va ularning ota-onalariga zarur ko‘mak ko‘rsatib, komissiya ko‘rigiga kelish jarayonida hamroh bo‘ldi.

✅Telegram 🌐Website 📹YouTube✅Facebook 🕊Twitter🌐Instagram