#ta'lim

Chinozlik pedagoglar Finlyandiyada

Chinoz tumanidagi bir guruh ta’lim sohasi vakillari “O‘zbekistonda Finlyandiya ilhomlantirilgan ta’lim tizimini rivojlantirish (FIESDU)” loyihasi doirasida Finlyandiyada bo‘lib, mamlakatning ilg‘or ta’lim tajribasini o‘rgandi.

Shuningdek, Finlyandiya ta’lim sohasi vakillari va FIESDU loyihasi mutaxassislari bilan uchrashuvlar o‘tkazilib, zamonaviy maktab boshqaruvida ishonch, pedagogik yetakchilik, jamoaviy yondashuv va o‘quvchi manfaatlarini ustuvor qo‘yish masalalari muhokama qilindi.

O‘rganilgan tajribalar orasida o‘quvchilarning individual ehtiyojlarini hisobga olish, ular uchun xavfsiz va qulay ta’lim muhitini yaratish, o‘qituvchilarning kasbiy mustaqilligini qo‘llab-quvvatlash, ota-onalar bilan samarali hamkorlikni yo‘lga qo‘yish hamda o‘quvchilarni kasbga yo‘naltirishga alohida e’tibor qaratildi.

Olingan tajribalar asosida Chinoz tumanidagi ta’lim muassasalarida zamonaviy pedagogik yondashuvlarni qo‘llash, o‘qituvchilarning kasbiy rivojlanishini qo‘llab-quvvatlash va ta’lim sifatini yanada oshirish bo‘yicha yo‘nalishlar belgilandi.

Mazkur loyiha doirasidagi hamkorlik xalqaro tajribani o‘rganish va uning samarali jihatlarini O‘zbekiston ta’lim tizimiga moslashtirishga qaratilgan.

✅Telegram 🌐Website 📹YouTube✅Facebook 🕊Twitter🌐Instagram