Angrenda zamonaviy sport maydonchasi foydalanishga topshirildi
Angren shahridagi 39-sonli umumiy o‘rta ta’lim maktabida barpo etilgan zamonaviy universal sport maydonchasi foydalanishga topshirildi.
Bayram munosabati bilan tashkil etilgan ochilish marosimida shahar hokimi Alisher Rayimov, mahalla raislari, nuroniylar hamda maktab jamoasi ishtirok etdi.
O‘zbekiston Respublikasi Prezidentining 2023-yil 28-iyuldagi «Mahallalarda sport infratuzilmasini rivojlantirish va sport maydonchalaridan samarali foydalanishni tashkil etish chora-tadbirlari to‘g‘risida»gi PQ–245-son qarorida sport infratuzilmasi mavjud bo‘lmagan mahallalarda universal, stritbol va vorkaut maydonchalarini tashkil etish belgilangan.
Yangi maydoncha o‘quvchilar va mahalla yoshlarining sport bilan muntazam shug‘ullanishi uchun qo‘shimcha imkoniyat yaratib, sog‘lom turmush tarzini ommalashtirish hamda ularning jismoniy faolligini oshirishga xizmat qiladi.
✅Telegram 🌐Website 📹YouTube✅Facebook 🕊Twitter🌐Instagram