🔖 “Organik sintez texnologiyasi” kafedrasida ilmiy-amaliy seminar o‘tkazildi

🔜 2026-yil 12-oktabr kuni Toshkent kimyo-texnologiya instituti “Organik sintez texnologiyasi” kafedrasida “Ilmiy tadqiqot natijalarini maqola va dissertatsiya shaklida rasmiylashtirish: zamonaviy talablar va amaliy yondashuvlar” mavzusida ilmiy-amaliy seminar tashkil etildi.

🗣️ Seminarda kafedra professor-o‘qituvchilari, doktorantlar va magistrantlar ishtirok etdi.

🎤 Tadbir davomida kafedra mudiri A.E.Ziyadullayev tomonidan ilmiy tadqiqot natijalarini maqola va dissertatsiya shaklida rasmiylashtirish, xalqaro jurnallarda nashr etish, Scopus bazasidagi jurnallarni to‘g‘ri tanlash hamda dissertatsiya ishlarining ilmiy-uslubiy sifatini oshirish masalalari yoritildi.

💭 Shuningdek, ilmiy maqola tuzilishi, tadqiqot natijalarini asoslash, ilmiy yangilikni aniq ifodalash va jurnal talablariga muvofiq maqola tayyorlash bo‘yicha amaliy tavsiyalar berildi.

🛍 Seminar yakunida ishtirokchilar o‘zlarini qiziqtirgan savollarga javob oldilar hamda ilmiy maqola va dissertatsiya tayyorlashdagi dolzarb masalalar yuzasidan fikr almashdilar.

👩‍🎓TKTI.UZ | 🚀 Telegram | ✅TUTOR.UZ | 📱 KARYERA | 🌐 Instagram | 🌐 Facebook | 🌐YouTube | 🌐 VK | 🌐 Linkedin | 🇺🇿 TKTI Ittifoq | 🧮 Buxgalteriya |🔬Ilmiy