Я да апошняга лічу, што ўся кампанія па дыскрэдытацыі Ціханоўскага была спланаваная і адпрацаваная да дробязяў яшчэ да яго выхаду. Адпрацаваная — на ўсіх былых палітвязнях, уключаючы мяне. Сцэнар найпрасцейшы — калі ты Публічны, цябе акружаюць ілжывым клопатам і распавядаюць пра тое, што тут усё добра, а хутка табе гранцік які-небудзь дадуць, «каб ты ехаў курачак здымаць», і не дай бог не пачаў спрабаваць разабрацца, што тут адбываецца, ці пытанні свае задаваць.
Хтосьці пад гэтую сістэму кладзецца адразу, ці то Кабанаў, ці то Такарчук, хтосьці проста ва ўсім разэчароўваецца і сыходзіць у цень, хтосьці накшталт мяне перажывае ціск праз усе «грантозалежныя медыя» і падлягае поўнай дыскрэдытацыі.
Сяргею ж адразу — пасля выхаду з турмы — проста не далі часу апамятацца і злівалі як маглі. Без ухвалення з боку самой Святланы такога быць не магло.
Трымайся, Сярога. Гэтыя людзі дзеля захавання сваіх даходаў не спыняцца ні перад чым, а маралі ў іх няма ад слова зусім.