📢 Termiz davlat pedagogika instituti rektori xalqaro “SAT/AP Day – Uzbekistan” konferensiyasida ishtirok etmoqda

📍Joriy yilning 12-oktabr kuni Toshkent shahrida AQSHning College Board xalqaro tashkiloti tomonidan SAT, PSAT va AP xalqaro imtihonlariga bag‘ishlangan “SAT/AP Day – Uzbekistan” konferensiyasi bo‘lib o‘tmoqda.

🌐 Nufuzli xalqaro tadbirda maxsus taklif etilgan rahbarlar qatorida Termiz davlat pedagogika instituti rektori Azizbek Xasanov Baxtiyarovich ham ishtirok etmoqda.

🗣Konferensiyaning asosiy maqsadi xalqaro imtihonlar orqali O‘zbekiston yoshlari uchun ta’lim imkoniyatlarini kengaytirish, ularni xorijiy oliy ta’lim muassasalariga qabul jarayonlari bilan tanishtirish hamda xalqaro ta’lim sohasidagi hamkorlikni rivojlantirishdan iborat.

👥Tadbirda AQSHning O‘zbekistondagi elchisi Jonathan Henick, College Board tashkiloti vitse-prezidenti Rushi Sheth, tashkilotning Hindiston va Markaziy Osiyo bo‘yicha rahbari Meenakshi Kachroo Chatta, shuningdek, Princeton University, Massachusetts Institute of Technology (MIT), Durham University va Toronto universiteti vakillari ishtirok etmoqda.

ℹ️Ma’lumot uchun: Bugungi kunda College Board xalqaro tashkiloti bilan hamkorlikda Termiz davlat pedagogika institutida ham SAT imtihonlari muvaffaqiyatli yo‘lga qo‘yilgan.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram