📰📰📰📰📰📰📰

🇺🇿🤝🇦🇿 Xonkendida O‘zbekiston–Ozarbayjon rektorlar forumi boshlandi

Ozarbayjon Respublikasining Xonkendi shahrida “O‘zbekiston–Ozarbayjon oliy ta’lim sohasidagi hamkorlik” mavzusidagi II Rektorlar forumi o‘z ishini boshladi. 16–17-oktabr kunlari bo‘lib o‘tadigan forum ikki davlat o‘rtasidagi oliy ta’lim va ilmiy hamkorlikni yanada rivojlantirishga qaratilgan.

Mazkur forumda Termiz davlat muhandislik va agrotexnologiyalar universiteti rektori Rasul To‘rayev ham ishtirok etmoqda.

Nufuzli xalqaro tadbirda Ozarbayjonning 13 ta hamda O‘zbekistonning 17 ta oliy ta’lim muassasasi vakillari ishtirok etmoqda.

Forum doirasida ikki mamlakat oliy ta’lim muassasalari o‘rtasida jami 56 ta hamkorlik hujjatini imzolash rejalashtirilgan. Ushbu hujjatlar o‘zaro anglashuv memorandumlari, akademik almashinuv va qo‘shma ta’lim dasturlariga oid kelishuvlarni qamrab oladi.

Forum O‘zbekiston va Ozarbayjon oliy ta’lim muassasalari o‘rtasidagi aloqalarni mustahkamlash, akademik almashinuvni kengaytirish, qo‘shma ilmiy tadqiqotlarni rivojlantirish hamda xalqaro ta’lim hamkorligini yangi bosqichga olib chiqishda muhim ahamiyat kasb etadi.

📚 Termiz davlat muhandislik va agrotexnologiyalar universiteti Axborot xizmati

🌐tdmau.uz  ✅Telegram 🌐Instagram✅Facebook  📹YouTube