Biz bolalarga haqiqiy tayanch, ota-ona va o‘qituvchilarga esa ishonchli hamkor bo‘la oladigan malakali psixologni qidirmoqdamiz.
🟢 Biz sizga qanday muhit va sharoitlarni taklif qilamiz?
Haqiqiy Work-Life Balance: Ish vaqtidan keyin ma’muriyat yoki ishchi guruhlar tomonidan bezovta qilinmaslik kafolati. Biz sizning shaxsiy chegaralaringiz va dam olish vaqtingizni hurmat qilamiz.
Moliyaviy barqarorlik va o‘sish: Bozor ko‘rsatkichlaridan 20% yuqori bo‘lgan maosh, Mehnat kodeksiga muvofiq rasmiy shartnoma, kafolatlangan ta’til va oyiga 2 marta (avans va oylik) o‘z vaqtida to‘lov. Har o‘quv yilida ish haqining oshirib borilishi.
Oila uchun g‘amxo‘rlik: Farzandingiz maktabimizda tahsil olishi uchun 3 250 000 so‘mgacha chegirma. O‘zingiz va farzandingiz uchun oylik saqlanadigan kasallik ta’tillari.
Doimiy rivojlanish: Kasbiy yuksalishingiz va tajriba almashishingiz uchun nufuzli xalqaro trening va sammitlarda ishtirok etishingizga ko‘maklashamiz.
Yoqimli bonus: Maktab hududida shinam oshxona va maktab hisobidan 50% qoplanadigan mazali tushliklar.
Ish vaqti: 5/2, 08:30 – 16:00
🟢 Sizning asosiy vazifalaringiz nimalardan iborat bo‘ladi?
Moslashuv (Adaptatsiya): Yangi o‘quvchilarning maktab muhitiga og‘riqsiz, qulay va stresslarsiz kirishib ketishini psixologik qo‘llab-quvvatlash.
Sog‘lom muloqot muhiti: O‘quvchilar, ota-onalar va o‘qituvchilar o‘rtasida samimiy, o‘zaro ishonchga asoslangan va nizolardan xoli psixologik muhit yaratish; murakkab hamda inqirozli vaziyatlarda vazminlik va odob bilan to‘g‘ri yo‘nalish ko‘rsatish.
Individual ko‘mak: Qiyin vaziyatga tushib qolgan yoki hissiy qiyinchiliklarni boshdan kechirayotgan o‘quvchilar bilan chuqur individual konsultativ ishlarni olib borish.
Jonli metodika: Pedagogik kengashlarda ishtirok etish, ota-onalar va o‘qituvchilar uchun qog‘ozbozlikdan yiroq, amaliy va qiziqarli treninglar, ma’ruzalar tashkil qilish.
🟢 Biz qanday nomzodni ko‘rishni istaymiz?
Madaniyat va til: O‘zbek tilini mukammal va erkin muloqot darajasida bilish, milliy o‘ziga xoslik va qadriyatlarimizni chuqur his qila olish (rus yoki ingliz tillarini bilish — sizning ustunligingiz bo‘ladi).
Tajriba: Bolalar bilan ishlashda kamida 3 yillik tajriba. Maktab tizimida ishlagan bo‘lsangiz ajoyib, agar xususiy amaliyotda kuchli natijalarga erishgan bo‘lsangiz va bolalar tilini mukammal bilsangiz — biz eshiklarimizni ochishga tayyormiz.
Ma’lumot: Psixologiya sohasida oliy ma’lumot va turli psixologik metodikalarni amaliyotda erkin qo‘llay olish ko‘nikmasi (shaxsiy kasbiy sertifikatlar qadrlanadi).
Shaxsiy xislatlar: Yuqori empatiya, xolislik, kasbiy etika, tartiblilik va bolalar bilan ishlashda cheksiz sabr-toqat.
🟢 Ishga kirish uchun: — Arizangizni botdagi «Qaynoq ish o‘rinlari 🔥» tugmasi orqali qoldiring: @rahimovschool_jbot