🚫Bir qrup ruhanidən Prezident İlham Əliyevə çağırış: “Trampla eyniləşdirmə xalqımıza təhqirdir – üzr istəyin”

Bir qrup hörmətli ruhani Hacı Tale Bağırzadənin haqlı və cəsarətli bəyanatına dəstək olaraq Prezident İlham Əliyevə açıq və prinsipial çağırış edib.

Ruhanilər bəyanatlarında vurğulayıblar ki, Azərbaycan xalqı min illik mədəni irsə, dərin əxlaqi və mənəvi köklərə, saf ailə dəyərlərinə malikdir. Bu dəyərlər xalqımızın mənəviyyatının əsasını təşkil edir və heç bir halda mübahisə mövzusu ola bilməz.

Lakin Prezident İlham Əliyevin Donald Tramp haqqında “o, bizim kimi fundamental dəyərləri, o cümlədən ailə dəyərlərini bölüşür” kimi açıqlaması xalqımızın bu müqəddəs dəyərlərinə ciddi hörmətsizlikdir. Çünki Trampın adı ABŞ Ədliyyə Nazirliyinin dərc etdiyi “Epşteyn faylları”nda yetkinlik yaşına çatmayan qızlara qarşı cinsi istismar və zorakılıq ittihamları ilə hallanır. “Epşteyn adası”nda baş verən qaranlıq əməllərlə əlaqədar bu ittihamlar pedofiliya və əxlaqi pozğunluqla bağlıdır – bu cür davranışlar isə Azərbaycan xalqının ailə və mənəvi dəyərləri ilə heç bir şəkildə uzlaşmır.

Ruhanilər qeyd ediblər: “Xalqımızın əxlaqi saflığını, ailə müqəddəsliyini və mədəni dəyərlərini belə bir şəxslə eyniləşdirmək qəbuledilməz təhqirdir. Bu müqayisə xalqımıza qarşı açıq hörmətsizlikdir. İlham Əliyev bu səhvini dərk etməli, xalqımızın mənəviyyatına toxunan bu ifadələrə görə dərhal üzr istəməlidir.”

Bu çağırış, xalqımızın mənəvi dəyərlərinin qorunması və dövlət rəhbərinin xalqa hörmət prinsipinin bərpası baxımından böyük əhəmiyyət kəsb edir. Hacı Tale Bağırzadənin etirazına qoşulan ruhanilər ümid edirlər ki, Prezident bu məsələyə ciddi yanaşacaq və Azərbaycan xalqından üzr istəyərək mənəvi haqq-hesabı yerinə yetirəcək.


Abunə olun 🇦🇿 t.me/Tale_Bagirzade