Liderimizin növbəti doğum günündə Allahdan ona bərəkətli ömür diləyirik

İnsanı ucaldan, bəzən isə ölümsüzləşdirən amil onun hədəfinin nə qədər böyük, doğru və dəyərli olmasıdır. Bununla yanaşı, bu həqiqəti bütün varlığı ilə görmək, dərk etmək və onun uğrunda yorulmadan mübarizə aparmaq tarixin dahilərini və qəhrəmanlarını insanlığa tanıdan əsas xüsusiyyətlərdəndir. Məhz bu iki amil – ali və haqq bir hədəf seçmək, eləcə də həmin hədəf uğrunda yorulmadan mübarizə aparmaq – adlarını tarixə yazdıran şəxsiyyətlərin ortaq cəhətidir.
Yaşadığımız Məhərrəm günləri bu həqiqətin ən parlaq nümunəsidir. İmam Hüseyn (ə) böyük hədəfi, misilsiz fədakarlığı və yorulmaz mübarizəsi ilə əbədiyyətə qovuşaraq insanlıq məktəbini inşa etdi.
Bu məktəbi özünə yol seçən, Aşura məktəbindən mənəvi güc alaraq mübarizə meydanında əzmlə fəaliyyət göstərən dəyərli insanlar sırasında özünəməxsus yeri olan hörmətli ruhani Hacı Tale Bağırzadənin bu gün doğum günüdür.
O, 43-cü yaşını, həbsxana divarları arasında keçirdiyi 16-cı doğum gününü qeyd edir. Hacı Tale Bağırzadəyə özünün də tez-tez etdiyi dualardakı kimi, Allahın razı olduğu bütün gözəllikləri və fəzilətləri arzulayır, ona İlahi razılıqla dolu aram bir qəlb, möhkəm iradə və bərəkətli ömür diləyirik.

Müsəlman Birliyi Hərəkatı

Abunə olun 🇦🇿 t.me/Tale_Bagirzade