StartUpper

Boshladik!

Bugun 21:00 da — "Startap Rebus" o‘yini!

Startap terminologiyasini va soha tilini qanchalik yaxshi bilasiz? Bugun o'z mantiqingizni sinab ko'ring!

✅ Ishtirok etish shartlari:
Biz emojilar yordamida yashiringan 10 ta startap terminini beramiz.

✅ Sizning vazifangiz:
Barcha 10 ta terminni to'g'ri topish va javoblarni kommentda nomini qoldirish.

❗️ Soat 21:00 da uchrashamiz. Bildirishnomani yoqib qo'ying!

Bizni kuzatib boring: Telegram | Instagram| YouTube

Oliygohlarda startap ekotizimini rivojlantirish masalalari muhokama etildi

Bugun, 6-may kuni Oliy taʼlim, fan va innovatsiyalar vazirligida startap ekotizimini rivojlantirish boʻyicha Muvofiqlashtiruvchi kengashning navbatdagi yigʻilishi boʻlib oʻtdi. Unda Oʻzbekiston Respublikasi Prezidenti Administratsiyasi departament rahbari B. Xodjayev, Oliy taʼlim, fan va innovatsiyalar vaziri Q. Sharipov, kengash aʼzolari, oliy taʼlim muassasalari rektorlari hamda vazirlikning masʼul xodimlari ishtirok etdi.

Yigʻilishda Oʻzbekiston Respublikasi Prezidentining 2026 yil 11-fevraldagi “Startaplarni qoʻllab-quvvatlashning kompleks ekotizimini joriy etish chora-tadbirlari toʻgʻrisida”gi qarori ijrosi doirasida oliy taʼlim muassasalarida startap loyihalarni qoʻllab-quvvatlashning kompleks tizimini shakllantirish, “Oliygohlar — startaplar generatori” dasturini amalga oshirish hamda mazkur yoʻnalishda belgilangan vazifalar ijrosi muhokama qilindi.

Yigʻilish yakunida qator amaliy takliflar ilgari surildi. Jumladan, “Inno” texnoparki bilan hamkorlikda mentor va trekerlar tayyorlash dasturlarini yoʻlga qoʻyish, oliy taʼlim muassasalarida startap ekotizimini rivojlantirish boʻyicha bir yillik “Yoʻl xaritasi”ni ishlab chiqish, startap markazlarini tashkil etish hamda talabalar gʻoyalarini dastlabki bosqichda moliyalashtirish uchun maxsus fond yaratish taklif etildi.

Bizni kuzatib boring: Telegram | Instagram| YouTube

Men boshlayman, siz davom ettirasiz:

Soʻnggi paytlarda “... Ai” nomi bilan bogʻliq startaplarni koʻp uchratyapmiz. Bunga sabab esa, sun’iy intellekt taraqqiyoti, albatt.

Xususan,

- Homila Ai
- Minora Ai
- Moliy Ai

Sizchi, Ai bilan bogʻliq yana qaysi startaplarni bilasiz. Kommentda yozib qoldiring

2025-yil yakunlari va 2026-yil Q1 ma’lumotlariga ko‘ra, startap ekotizimida kapitalning taqsimlanishi quyidagicha:

1. Sun’iy intellekt (AI): $211 mlrd (+85% o‘sish).
Jami investitsiyalarning deyarli 50% qismi.

2. HealthTech & BioTech: $71.7 mlrd (+12% o‘sish).
AI-diagnostika va gen muhandisligi hisobiga.

3. FinTech: $52 mlrd (-5% pasayish).
To‘lov tizimlarida pasayish, "Climate Fintech"da o‘sish.

4. Defense Tech: $49 mlrd (+40% o‘sish).
Dron va kiber-mudofaaga rekord talab.

5. SaaS (B2B): $45 mlrd (-15% pasayish).
Umumiy xizmatlarda bozor to‘yinganligi.

6. Cybersecurity: $28 mlrd (+18% o‘sish).
Murakkab kiberhujumlar fonida.

7. Robotics (Physical AI): $18 mlrd (+25% o‘sish).
AI va apparat integratsiyasi.

8. AgTech & FoodTech: $12 mlrd (0% barqaror).
Yirik investitsiyalar kamaygan.

9. EdTech: $9 mlrd (+5% o‘sish).
Korporativ ta'lim va AI-repetitorlik.

10. GreenTech: $21 mlrd (-60% pasayish).
Hardware loyihalar qimmatligi sabab.

Quyidagi koʻrsatgichlardan shuni anglashimiz mumkinki:

- Investorlar foydalanuvchi soniga emas, startapning sof daromadiga (profitability) qarab mablag‘ ajratmoqda.
- Umumiy SaaS o‘rnini ma’lum bir tor soha uchun ixtisoslashgan AI tizimlari egallamoqda.
- Dronlar, robototexnika va mudofaa kabi "jismoniy" texnologiyalarga qiziqish ortgan.

Manbalar:
• Crunchbase News Data
• KPMG Venture Pulse
• CB Insights Research

Bizni kuzatib boring: Telegram | Instagram| YouTube

🔺Namangan: Yoshlar bilan uchrashuv

Namangan davlat texnika universitetida yoshlar va innovatorlar uchun sohadagi eng so‘nggi imkoniyatlarga bag‘ishlangan seminar o‘tkaziladi.

Seminar davomida quyidagi yo‘nalishlar bo‘yicha bilimga ega bo‘lasiz:

- OTMlar qoshida Spin-off korxonalarini tashkil etish mexanizmlari;
- “Innovatsion g‘oyalar yetakchisi” ko‘krak nishoniga hujjat topshirish tartibi;
- “Kelajak startaplari” tanlovida ishtirok etish va g‘oliblik shartlari;
- Yangi e’lon qilingan grantlar va xalqaro imkoniyatlar.

📍 Manzil: Namangan davlat texnika universiteti.
📊 Vaqti: 7-may, soat 15:00.

Barcha yosh tadqiqotchilar, startapchilar va talabalarni kutib qolamiz!

Bizni kuzatib boring: Telegram | Instagram| YouTube

🟣 Samarqand: Startaplar kuni

Samarqand viloyatida startap loyihalarni ko‘rib chiqish va qo‘llab-quvvatlashga qaratilgan muntazam platforma ish boshladi. Endilikda har chorshanba kuni soat 16:00 da soha mas’ullari ishtirokida “Startaplar kuni” uchrashuvlari o‘tkaziladi.

Loyiha davomida quyidagi imkoniyatlarga ega bo‘lasiz:

- O‘z loyihasi, mahsuloti yoki prototipini taqdim etish;
- Mutaxassislardan professional baho va tavsiyalar olish;
- Loyihani amaliyotga joriy etish va hamkorlar topish bo‘yicha yordam so‘rash.

Ro‘yxatdan o‘tish: @samauthbot

📍 Manzil: Samarqand shahri, O‘zbekiston ko‘chasi, 53-uy.
💬 Ma’lumot uchun: +998 99 336 25 21

Bizni kuzatib boring: Telegram | Instagram| YouTube