Гагратәи ашкол аҵаҩы V Алада-урыстәылатәи аматематикатә олимпиада "Ассара" далахәуп, абри атәы аанацҳауеит ареспублика Аҵара аминистрра.

Аицлабра мҩаԥысуеит жьҭаара 9-13 рзы Маиҟәаԥ. Ареспублика ахьӡала дықәгылоит Маргарита Бганҧҳа — Гагратәи ашкол №2 ажәбатәи акласс аҵаҩы.

Аолимпиада мҩаԥысуеит 8-11 аклассқәа рҵаҩцәа рзы, еихшоуп ҩ-лигакны: 8-тәи акласс аҵаҩцәа рзы, иара убас — 9-11 аклассқәа рҵаҩцәа рзы.

🖇 Аусмҩаԥгатә аиҿкааҩцәа — Адыгатәи аҳәынҭқарратә университет, Ареспубликатә ԥсабара-математикатә школ, Кавказтәи аматематикатә центр.