Аибашьҩы иан ҳәа мацара акәымкәа, аԥсуа ԥҳәызба илызку абаҟа Аԥсны игылазар даара исҭахын ҳәа арадио Sputnik аҟны илҳәеит Анацәа рхеидкыла ахантәаҩы, Ауаажәларратә палата амаӡаныҟәгаҩ Гәыли Кьычԥҳа.

"Аибашьра аангьы, уи ашьҭахьгьы адоуҳамч, акультура, аекономика шьызхыз дреиуоуп уҳәар ауеит аԥсуа ԥҳәызба. Лыжәҩахыр иқәыз рацәан. Даара сгәаҳәоит, Сариа Лакәаба, Ҭамара Шьаҟрыл уҳәа реиԥш иҟаз аԥсуа ҭыԥҳацәа ирызку баҟак ҟалап ҳәа. Избанзар — дара аԥсоуп", — ҳәа азгәалҭеит Гәыли Кьычԥҳа.

Гәыли Кьычԥҳа иара убасгьы илҳәеит, аиԥш зеиԥшу абаҟа ацәырҵра, аҿар рзы иааӡагоу, иҿырԥшыгоу акакәны иҟалап ҳәа дышгәыӷуа.

Анацәа рхеидкыла ахантәаҩы, Ауаажәларратә палата амаӡаныҟәгаҩ Гәыли Кьычԥҳаи арадио Sputnik Аԥсны амҩаԥгаҩ Сусана Саӡԥҳаи инеиҵыху реиҿцәажәара шәахәаԥшыр ҟалоит абра.
#social