#رباعیات_بختیاری


تاویرِ تونُم ،زِحال خُوم دیر اِبوم


تادیرُتونُم زِجونِ خُوم سیر اِبوُم


وائی همه باری که به کولُم اِکَشُم


چی دارِ بلیطی مِنِ خُوم پیر اِبوم.

....................
اَفتَو که تَوِه عشقتِه مِن جون داره

کِر دیسه مِنِ چرخ فلک آواره

آساره خَوِه زِچشم خوس کِردِه حَرُم

مَه وا غم تو گشته چُنو مَه پاره
.................
هم قندی وهم زهری وتند وتُرّشی


ای عشق چِنی؟ نَیدِه کسی وا تو خوشی


مجنونِه به صحرا بًری ولیوه کنُی


فَرهادِ خُدا زَیدَنِه وا تیشه کُشی

#ایرج_خواجوی