На здымках з кніжнага кірмаша ў польскім Любліне мы заўважылі ўсе навінкі і вечныя бэстсэлеры нашага выдавецтва: Сымону дэ Бавуар, Оскара Ўальда, Зьмітра Вішнёва, “Мовазнаўчыя працы” Вацлава Ластоўскага, фаліянт пра беларускі тэатар Настасьсі Панкратавай. І іншыя кнігі там ёсьць таксама — у кампаніі ачмурэнна добрых кнігаў іншых выдавецтваў.

А з рэдактарамі „Скарыны” сёньня можна перасекчыся ў Вільні ў музэі Марыі і Юргіса Шлапялісаў на прэзэнтацыі “Tvoraŭ” Цёткі (13:30) і ў Беларускім віленскім музэі — на прэзэнтацыі ўспамінаў Галіны Войцік “Там, дзе нас няма” (18:00). Абедзьве кнігі выйшлі ў “Віленскай сэрыі”.