Sitora Barliboyeva

Aytishlaricha “Koʻkalp” nomli oʻzbekcha manga tayyorlanyapti ekan.

Tushunishimcha bu kabi mangalar oʻrta osiyo milliy folkyorlari, afsona va choʻpchaklari asosida yaratilmoqda.

Ushbu manga syujetiga koʻra osmondan tushgan “Koʻkalp” nomli qahramonning yerdagi hayoti tasvirlanadi.

Kitob tahminan 100 sahifada boʻladi. Uni chizish va rang berish ishlari allaqachon tugallangan.

Nima ham deymiz, oʻzbekcha debyut mangani chiqishini intizorlik bilan kutamiz. Qiziqqa oʻxshayapti

Kecha qatag‘onga uchragan ziyolilarimizni esladik. Har eslaganda, har o‘qiganda yuragimiz qonaydi, fig‘onimiz falakka chiqadi. Ular bizga chin oydin qanday bo‘lmog‘i lozimligini ko‘rsatdi, yozdi, o‘zlaridan jasorat qoldirdi.

Bugun ham millatga aytiladigan gaplar, ko‘kayimizni kuydirayotgan muammolar, bir xalq, bir el bo‘lish yo‘lida qilmog‘imiz lozim bo‘lgan ishlar bor. Bular haqida kim gapiradi, kim gapirishi lozim? Albatta, millat ziyolisi, xalq oydinlari!

Bugun so‘z aytuvchilar, fikr tarqatuvchilar, yetaklovchilar ko‘paymoqda. Agar ular ilmli, ma’rifatli bo‘lsa, boshimiz ko‘kka yetadi, ortidan ergashuvchilar ko‘paysin, deymiz. Agar... u mayda inson bo‘lsa, o‘ziga o‘xshash "boshlar" bilan to‘ldiradi jamiyatni.

Tarixda davlatlar, tuzumlar yemirilgan, lekin ziyoli shaxsi yemirilmasa, millat har qanday holatda qaddini tik tutib, buyuk davlat qura oladi. Ziyoli bugun haqida gapirib, erta haqida o‘ylashi lozim. Shu sabab "Ziyolilar" loyihasida millat oydinlariga quloq tutmoqdamiz, minbarlarni ularga berish eng to‘g‘ri yo‘l ekanini anglamoqdamiz.

Quyida shu paytgacha bu minbarga chiqqan, o‘yi, fikri bilan o‘rtoqlashgan oydinlarimizning so‘zlarini tinglashingiz mumkin. Ko‘rib, yaqinlaringizga ham ulashing! Fikr tarqalsa, g‘oyaga aylanadi. Ezgu g‘oyalarimiz keng yoyilsin!

1. Olimjon Davlatov
2. Qozoqboy Yoʻldoshev
3. Abdulla A'zam
4. Eshqobul Shukur
5. Zuhriddin Isomiddinov
6. Nusratilla Jumaxoʻja
7. Bahrom Rizayev
8. Dilorom Karimova
9. Bahodir Karimov
10. Iroda Dadajonova
11. Iqbol Mirzo
12. Jabbor Eshonqul
13. Suvon Meli

@SitoraBarliboyeva

🤩Bugun oʻzbek eli sara farzandlaridan ayrilganiga 88 yil boʻldi…

Ochilmay soʻlsa har gul gʻunchasi pir-u javon yigʻlar,
Emas pir-u javon, balki hama ahli jahon yigʻlar…

Bundan roppa-rosa 88 yil avval yana bir guruh ziyolilarimiz sobiq Ittifoq qatagʻon mashinasi zanjirlari ostida yanchildi. Ularning ichida Abdulla Qodiriy, Choʻlpon, Fitrat, Gʻozi Olim Yunusov, Ziyo Said kabi oʻzbekning asil vatanparvarlari bor edi.

Quyidagi havola orqali Abdulla Qodiriy qalamiga mansub “Yigʻlar” radifli gʻazalning kuyini tinglashingiz mumkin:
https://youtu.be/jIxdmg4vyss?si=pIHbbWXsxZQCm8oz

Vatan unutmaydi! Xalq unutmaydi!

@soz_loyihasi

Bayram o‘tdi. Ustozlarga eng chiroyli so‘zlarni aytdik, dil izhorlari qildik. Va yodimizga ba`zan ularga bergan ozorlarimiz ham keldi.

"Darsdan so‘ng" – ustoz, ayol, ona va o‘quvchi armoni. Xalqimizning ardoqli shoiri Matnazar Abdulhakimning “Darsdan soʻng” sheʼri uchun Xorazm viloyatida “Muallimga mangu ehtirom” haykali oʻrnatilgan. Bu – olamda sheʼr uchun qoʻyilgan yagona haykaldir. Eʼtiboringizga ana shu sheʼr uchun sun’iy intellektda ishlangan rolikni havola etamiz.


Lekin... ketmakdasan kelajak sari
Tap tortmay qismatning dasht, qirlaridan.
Oʻzimcha asragim keladi seni
Yovuzlik, xiyonat qashqirlaridan.
Men mashq bajaraman, yozaman har kun
Daraklar, soʻroqlar, xitoblarimni.
...Sen yoʻl boʻyi yoqib tashlab ketaver
Qashqirlar qoʻrqquvchi kitoblarimni...

@SitoraBarliboyeva

❤️‍🔥 Bugun Halima Ahmadning tavallud kuni

Ko‘nglimni titmaki, g‘anim,
Sanga ko‘z-ko‘zga kelganman,
Dedilar: Ishq — kasalmanddir,
Ishqi qaqnusga kelganman.

Halima Ahmad

🔴 YouTubeda koʻrish:
https://youtu.be/cMt8s0TKPV8
🔴 Instagramda koʻrish:
https://www.instagram.com/reel/Dd8UuRzBBin/?stkn=M3dneTQ3d3kxandj

@soz_loyihasi

Do‘stlar, 1-oktabr — O‘qituvchi va murabbiylar kuni munosabati bilan ajoyib tuhfamiz bor.

Shokir Xoliqov rejissyorligidagi “Fonus” qisqa metrajli filmi Renessans tv da namoyish etiladi.

Vaqt topib, ko‘ring! Film Iordaniyada xalqaro festival mukofotini qo‘lga kiritgan va yana ko‘plab shunday nufuzli kino festivallarda qatnashadi. Shu bois, hali yaqin vaqt ichida ijtimoiy tarmoqlarga joylashtirish imkonimiz yo‘q. Festival talablari shunday.

Sizda esa ertaga yaxshi imkon bor. Ustozlik shunchaki maqom emas, kurash, ishonch, chidam, bardosh ekanini ko‘rsatuvchi film.

O‘qituvchining adolatsizliklarga javobi, ma’rifat uchun kurashi ko‘rsatilgan. Zero, o‘quvchi jasoratni va qat’iyatni ham aslida ustozlardan o‘rganadi.

Xullas, ko‘radigan film!


@SitoraBarliboyeva

Bugun tilimizga befarq bo‘lmagan yoshlarimizga pul mukofotlarini topshirdik.

Ularning har biri bir oyda 20-50 tacha imloviy, uslubiy xatoliklar haqida @softil_bot ga xabar berishgan.

O‘zbek tilining sofligiga har birimiz kichik amallarimiz bilan ham hissa qo‘shishimiz mumkin.

@SitoraBarliboyeva