#intellektual_bojxona

Endi biron tovarning bojxona to‘lovi qancha bo‘lishini va qanday notarif tartibotlar mavjudligini bilmoqchi bo‘lsangiz, o‘sha tovarni shunchaki telefonda rasmga olishning o‘zi kifoya!

Bugun tashqi savdo bilan shug‘ullanayotgan tadbirkor borki, tovarni O‘zbekistonga olib kirish yoki olib chiqishda qanday notarif talablar mavjudligi, qancha bojxona to‘lovi oshirilishi va qanday ta’qiq va cheklovlar mavjudligini oldindan bilishni istaydi.

Shu nuqtayi nazardan, O‘zbekiston Respublikasi Prezidentining 2025-yil 25 martdagi PF-57-son Farmoni talablari asosida Bojxona qo‘mitasi tomonidan «Integratsiyalashgan tarif” interaktiv xizmatining yangi versiyasi ishlab chiqildi.

Yangi versiyada zamonaviy texnologiyalar, jumladan, sun’iy intellekt elementlaridan foydalangan holda axborot qidirish, tarif va notarif choralarni bilish imkoniyati joriy etilgan.

Interaktiv xizmat customs.uz manzilining "Bojxona organlari Yagona darcha xizmatlari” sahifasiga joylashtirilgan.