Sirdaryo bojxonasida tozalik va obodlik — ezgu maqsad sari

Yurtimizda 1-oktabrdan boshlangan tozalik bo‘yicha dolzarb ikki oylik doirasida Sirdaryo viloyati bojxona boshqarmasi xodimlari tomonidan ommaviy obodonlashtirish va hashar ishlari amalga oshirildi.

Jumladan, boshqarma binosi, xizmat uylari hamda “Sirdaryo”, “Xovosobod”, “Malik”, “Oqoltin” chegara bojxona postlari va “Guliston” TIF bojxona posti hududlari chiqindilardan tozalanib, obodonlashtirish, yovvoyi o‘tlarni yo‘qotish va oqlash ishlari olib borildi.

Hashar davomida hududlarni yanada obod va ko‘rkam maskanga aylantirish, atrof-muhit tozaligini saqlash, daraxt va butalarni parvarishlashga ham alohida e’tibor qaratildi.

Bunday ezgu ishlar orqali jamoada hamjihatlik va birdamlik muhiti mustahkamlanib, tozalik va obodonlashtirish ishlariga munosib hissa qo‘shilmoqda.